Omukiintu a dhipagwa kolwaadhi

0
290

ONGWEDIVA –Omukiintu gwepipi lyopokati moshitopolwa shaHangwena okwasi eso linyanyalitha sho a dhipagwa kolwaadhi.

Okwa hokololwa kutya nakusa Tulongeni Navaaluke Shinana gwomimvo omilongo 32, oyali taya zi kedhiya namwaiyina, naasho ya thike peelo lyegumbo olwaadhi olwa shela nokumufika sigo a sile mpoka. Mumwayina ngoka a li naye okwa ehamekwa nokuli moshipangelo mEenhana, moka taku hokololwa eli monkalo ohwepo.

Oshiningwanima shika osha ningilwa pomukunda Oheti popepi nEenhana moshitopolwa Ohangwena.

Kuuyelele wa gandjwa komupambele gwanakusa ngoka inaa hala oku tumbulwa kedhina, nakusa ngoka ali omunandjungu nomunambili okwa thigako aanona yaali aakadhona, gumwe okuna omimvo omulongo 12 nomukwawo oku na oomvula hamano.

Oya hokolola nakusa ali ena omwenyo omwaanawa kumana, omukiintu eshi okuyapo nokuzapo. Ta ti Nakusa Navaaluke okwe ya thigile omwaka mezimo.

“Nakuza omunyanyukwi, omunambili ye omuvuliki. Otwa kanitha ependa twa kanitha omuvalakadhi noshowo ependafule miilonga,” omukwanezimo ati ngaaka.

Ashike okwa ti kutya omumwayina ngoka a hupu moshiponga shoka ngashingeyi okuli natango moshipangelo moka ashike okuli ta ti po hwepo na onkalo ye otayi nuwa omeya.

Oshiningwanima shika tashi halutha osha kolekwa woo komupopiliko gwopolisi mOhangwena Abner Iitumba ngoka ati nakusa namukwawo oya li taya zi kedhiya yuuka megumbo.

 

LEAVE A REPLY

Please enter your comment!
Please enter your name here