Oosipana dhaNgwediva dha taalela okugwamo moliha

0
284

 

ONGWEDIVA-Oosipana mbali dhaNgwediva Golden Bigs nOngwediva City odhili monkugo yi na onkambe konima sho dha li dha ndopa oku sindana po omaudhano gadho gehuliloshiwike lyazako na ngashiingeyi odhi li pokati komwele nolumpangwa sho dha pumbwa okusindana po omaudhano gadho agehe ga hupako, opo dhi yande oku gwamo moliha.

Ongwediva City oya li ya dhana shithike pamwe noBlack Africa Warriors 4-4 mOlyomakaya pUukwangula , omanga Golden Bigs na Golden Bees ya li yi ithigi othika 2-2

Aayambidhidhi yoosipana ndhika mbali oyali ya dhengwa pomutima mOsoondaha sho oosipana dhokuushimba dhali dha dhengele Ongwediva City na Golden Bigs megumbo, City okwa li a dhengwa 3-0 ku Golden Bees omanga Bigs a li a dhengwa ku Black Africa Warriors 2-1.

Iizemo mbika oyali ya thigi oosipana adhihe ndatu dhili pevi lyoliha niitsa 19 omanga Ongwediva City yi li kuunyege niitsa 21 nokwa thigala owala omaudhano geli gaali.

Onkalo ndjika oyi li ta yi ka ninga uudhano wa hugunina woliha uutoye oshoka kehe gumwe gwomoosipana ne dhili pevi ota vulu okuzamo moliha noosipana odha tegelelwa dhi ka ku theko oongaku oku ya medhingoloko lyahugunina.

Osipana yo Life Fighters oyo ta yi ka kalelapo oliha ndjika moliha yopombanda konima sho ya li ya dhengemo Eleven Warriors 3-1 mOlyomakaya omanga mOsoondaha oya li ya dhenge Tropical Heat 2-0 noku katuka onkatu okuya ko Premier League konima yomimvo konyala omulongo.

Oosipana dha Ngwediva odha pumbwa oku longa nuudhiginini oshoka ngele hasho nena odoolopa ya Ngwediva ita yi ka mona uudhano wo First Division omvula ta yi ya.

 

LEAVE A REPLY

Please enter your comment!
Please enter your name here