Shitana apititha uuvidio woongalo dhe mbali

0
832

 

WINDHOEK –Omuimbi gwomayimbilo ngoka ta ga tungu oshiganwa nota ga nyanyudha, Frederick Shitana, a tseyika nawa moongalo nedhina Lt Shitana, okwa pititha  ishewe uuvidio wuungalo we uyali, kedhina Inodimbwa Apa Walya na Internet Girl.

Uuvidio mboka wa piti konima yomasiku gaashi unene ogendji owo wumwe wuli tawu inyenge nawa komapandja ogendji gointaneta, nowuli wo tawu popiwa konyala kukehe omuntu ngoka ehole oongalo dhoshiNamibia, oshoka kapuna ngoka itoo hala okupulakena omayimbilo gaShitana.

Ovidio yongalo Inodimbwa Apa Walya oya piti petameko lyomwedhi gwaziko, ashike ngeyi oyili nale ya talika konyala kaantu yeli 24 700 kepandja ndyoka lyo You Tube. Ongalo ndjika ota yi popi noku kumagidha opo aagundjuka yonena kaa ya dhimbwe mpoka yaza, yo ya kale ngaa ha ya tumu ko sha komagumbo gaakuluntu yawo  unene tuu aagundjuka mboka opo ya mono iilonga yili nawa muushimba.

Ovidio yongalo Internet Girl, oyo yimwe ompeempeeka, noya pitile oshiwike shaziko. Ongalo ndjika oya kala noku taambathanwa komapandja ogendji go intaneta ngaashi o Facebook, Whatsap no You Tube, oshoka oyi na aatali yaadha po 28 987 ko You Tube sigo oompaka.

Uuvidio auhe mbuka owali wa kuthwa moalubuma ndjoka yaShitana ontine yedhina Kula Wumone, ya li ya piti pehulilo lyomvula yaziko, no ya li ya taa mbiwako koyendji.

Moalubuma muka Shitana okwa popya uudhigu mboka hawu adha omuntu ngele a koko unene ngele a igilila iiningwanima mbyoka ali ha ningi kuunona. Oshinima shika oshemupe omukumo opo aluke oalubuma ye Kula Umone, ndjoka yi na ehwata lyoongalo 17.

Shika otashi monika ngaashi mongalo ndjoka ontiyali, yedhina Kula Umone, yalukilwa oalubuma.  Mongalo muka Shitana ota popi nkene aagundjuka yopaife ha ya hokana ndele ongula oya hengathana nale.

Kakele ashike kwaandhoka, moalubuma muka omuna oongalo odhindji tadhi inyenge nawa ngaashi Pwilikineni na Nakulwa.

Nonando Shitana kali a mona ompito ombwaanawa yokuhogololwa methigathano kaahikingalo dhingi moNamibia, okwa holola kepandja lyo  Facebook ta ti ye ota tsikile ashike noku ninga omaimbilo ge gongushu, noku pititha oalubuma ye ontintano ndjoka yili poku pita ngashingeyi.

LEAVE A REPLY

Please enter your comment!
Please enter your name here