TUYENI KOLUPALE LA TUYENI: Namibian police pendukeni utale!

0
492

Moilongo aishe mounyuni, otamu monika ovatulipo vombili nelandulafano nefimbo limwe oshilongo ngeenge kashina ovapolifi oinima ngaashi ei taishikula apa, ohaikala ya lundalala.

Odino yokandikushi, okulunga nokulitapula, oukolokoshi kwalukeshe mwakwatelwa yo nomidimba holeka, ilo okuhena ombili moshilongo omo tamukwatelwa yo okufutafana eembubo.

Paife ohandimupe omhito opo mu lilongekidile omapulo ngaashi naana ovatulipo vombili moshilongo. Nye nee ounona ava opo mwayi mopolifi omo, omushishi ngoo kutya oshilongo ngeenge oshina ombili ihaitilwa vali omeya oo a longifwa nale, omweshikoneka ngoo?
Nye omushi ngoo nokutya moshilongo ngeenge omuna oita ovakwaita novapolifi ohava kala tava longo fimbo limwe itaava futwa nafiyo osheshi ombili taikakalapo?

Ove ongo omupolifi wo ku amena oituwa, oshike hashike ku dikifa oufano vokukwata eetuwa moluxwa, ngeenge mboli oho tulilwamo vali kovashingi voyeendifo ovo vashinga eenhapo dapitilila?
Ilo oufano oho va tulilepo vali eenguluve edi tadi tauluka opate hano?

Paife owa ka tulapo elandulafano mopate ilo owa ka shakeneka ashike ava tava shingilile vo ngeenge oveshikwete nawa tave ku denge okati keenyala?

Tatekulu Omukulunhu wopolifi, pwilikina ounona veumbo loye eshi tava lifa oilya yovanhu na pamwe ino vakelwako, oshili ame ohaikuvakeleko.

Ongo omupolifi woshilongo ouna okukeelela oumbudu ngaipi ngeenge naave mboli ohokufa ombinga mokukavaka oinima yovanhu  ngeenge wa dimbuka?

Oilonga yoimbuluma otai xulifwapo ngaipi ngeenge oove mwene u ikwetele komesho omanga ove ouli omwaameni woshiwana?
Shiwana, nandi pandule ovapolifi ovaNamibia ava hamu wanifapo oilonga yeni nye noxo ihamu teelele mu kalwe konima opo mu wanifepo oilonga yepangelo loshiwana sheni.

Paife pwilikineni nee oshiwana eshi tashi tanguna. Ngeenge hatu ka lopota oimbofa yetu peembelewa dopolifi, efimbo limwe ovanambelewa ovo ihava kala va hala okutweendelelapo nonande ihava kala naana veshi eshi twa ningilwa, natango oshanyika oshiponga ngaho.

Efimbo limwe ohatu ka lopota oimbofa yetu kopolice ndele nokonima ihatu mono apa ya ningina, etomhelo limwe oleli kutya vamwe vomwaava twa ka lopota vetu ningila oushada omahewa avo opofingo onghe ne noikoya hatukalopota ohaikana yehena kutya oyakanifwa kulye.

Efimbo limwe ngeenge owa ka lopotela opolifi oinima ngaashi oiponga ya ningwa, opolifi iha ikala ya hala okweendelela nande, ashike ngeenge owe ke va lopotela ngoo oinima ya vakwa ngaashi ombelela naikwao ya wedwapo, otashi shiva uhange opolifi oyo yafika ponele opo tete, nande kai shiipo shima ashike tai pukululwa.

Fiyo okonena eshi hatupopi ngaha opolifi mbela inai lilonga kutya naku ninga oukolokoshi otadulu okufika kopolifi tete nonande oye a kaula onyanga, ashike ove ou wa ningilwa oushada ngeenge owa ka fikako lwanima, omoipandeko tofikile.

Efimbo limwe ngeenge otwa ka lopata oimbofa yetu natango meembelewa do polifi, ovanambelewa ovo ohava tameke tavai melaka loShiingilisha nonande vamwe vomuvo otava popi ngoo omalaka aa hatupopi.

Eshi natango ohave shiningile owina opo ve tu ngwangwanife she tu popye noinima imwe ei inaiteelelwa molwaashi she ihatu udu elaka lopambelewa mbela vadimbwa vali eshi tava longele.

Ovapolifi vamwe vomoshilongo shetu, otashi ulike kutya ovadimbwa eshi shevakufa komaumbo, molwaashi oikoya imwe ya lopotwa moshilongo otamu monika mwekelidenga novapolifi  ashike oilonga yavo vati, vo ovaameni ngoo voshiwana.

Pwilikina nawa  oshili ohaidipaifa ovanhu, oiponga hainingwa meendjila, konima ooluxupe moiponga ngeenge vai vakatale oinima yavo oyo yakanena opo, vati opolifi kaina eshi yamonapo,ngaashi oimaliwa keemuma ilo eevili koikesho ilo eengodi de celphona.

Ashike ovamwameme ava ota ku hokololwa kutya ovafa ngo ovo hava tetekele poiponga yomeendjila, nefimbo limwe nokuli kave hole atu pitipo ilo hatukalapo ofika hatutale nawa, she ohatu kala nee hatu lipula hatuti mutu ohatu va nyonene oilonga ndele naimboli ovanhu otavaxu eeshi davo.

Meedolongo doshilongo shetu dimwe ovanadolongo vamwe ovelimo vena eengodi dopeke, vo ovelimo tavanwinemo omapangwe ashike oinima ei imwe yomuyo aishe ei otaku hokololwa haivakelwamo kova polifi vamwe.

Ovanadolongo vamwe otave li vake meedolongo tava pitifwamo natango kovapolifi vti. Oshili otonyengwa nonande ulipule kutya ovamwameme ava koilonga ohava katalako shike ngeenge mboli vamwe vomuvo ohava ka yambidida vali oilonga youkolokoshi.
Oituwa yo polifi imwe oyo tailongifwa oilonga iheli mondjila , ohashi kala ne shidjuu shili ngeenge owa hange omupolifi tavake oikombo yovanhu ndele ota londeke vali mokaloli ko polifi, oshi li oshidjuu nokukodolola.

Vapolifi pwilikineni ndimu lombwele, kaleni utale oupafi vamwameme osheshi moshilongo omu, paife omuna eembwa tadi weda, omuna ovanhu tava kana tuheshi kutya otava kanifwa kulye mo omuna ovanhu tava tetwa omitwe tuheshi kutya okulye natango.
onghee ne peeboloka apa hamukala oshili ohamukapo ashike tamu vingile eetuwa dipitepo ilo efimbo limwe mwakofa, oshili mwakofa moilonga oshilongo shina ngo novanhu tavakululwa ihamutila mu ponokelwe ndele tamu kululwa, eshi tamu shuna keembelewa otamu katya omukwatelwa peni.

Ava hamu longo oufiku, omutenya ohamu kala tamu longo shike eshi ihamu kofa? Naava hamulongo omutenya oshike ha shiimbi mu kakofe oufiku opo muha kale vali koilonga tamu kofa.

Dimbulukeni kutya oituwa oyo haikala taipiti peeboloka opo muli nye ihamutalemo ilo muhademo, oshili omo hamukala ovakolokoshi ava veya okutuponokela moshilongo omu, she paife moshilongo otwatilamo osheshi otwa fa ashike tweehena ovaameni.
Otashi kwafa shike nee todi keumbo wadjala oikutu yopolifi toi koilonga nde eshi weya koilonga otokofa vali ilo owa pwila ashike mongodi yoye yopeke uli ko facebook, shipu ashike shapo ukale kofacebook ove uli keumbo leni.

Efimbo limwe oshiwana shaNamibia ohashikala tashi lombwele epangelo tashiti nashipewe oilonga, nokonima ngeenge sha pewa oilonga vamwe ihava longo moshili vamwe tava longo pomunghulo woilonga ilo tutye tavaningi eshi va hala molwaashi otavat i ohava longele epangelo.

She natu dimbulukweni ngo ava hatu longo kutya moshilongo natango omuna oshiwana eshi ngheengo sha dalelwe shilonge ilo tu tye shimone nande olo efele komwedi, ashike sheni ava tulyeni moilonga ohatuidjala vali yapilama.

Konima she ngeenge twatewatewa moilonga she hatuti epangelo nalitalepo nawa, nonande oshe hatukwata oilonga nai nokuuluumbata nai meenhele depangelo.

Ooshili ohandi kunghilile opolifi ilonge yelitulamo, inaku tiwa ihamu longo ashike onda hala mu duleko eenghaku osheshi moshilongo omu paife omwanyata nai, onghee ondiwete eshi oshinakuwanifwa shopolifi ikale ili oupafi oufiku nomutenya.

Vaholike oshili ame ondishishi kutya oilonga aishe okukonga omboloto, ashike sheni, vamwe ava tulyeni moilonga yokwaamena oshiwana opena eyooloko naava hatulongo komatungo.Otamu lundilwa kutya ngeenge ovayamba vonhumba va longo oilonga yanyika oumbudi, ava hamu tumwa muka konakone keenele davo ihamwiiko, ilo efimbo limwe muyeko ndele tamui moumbelewa nye tamu ningilwa oukoofi nyee keembelewa tamutwaaleleko ouyelele wapuka, molwaashi omwatulilwamo.

Ashike dimbulukweni kutya omunamwenyo keshe kakuna ne kutya ohepele ilo omuyamba oshili ohadulu ashike okulonga oilonga yapuka moshiwana, onghee ne ngeenge oshili ohamu ka ningilwa manga oukoofi ngaho otashiti omwaya oilonga yeni pomunghulo.
Ohatu mono ovayamba vonhumba tava longo oilonga itilifa moshiwana ndele shima ngo va ningineko kopolifi oko, onena ashike mongula omunhu oye ou eli molandeklusha yaye vati otalundilwa.

NB:Omadiladilo moshinyolwa eshi oomushangi yeemwene ndele kaeshi a Kundana.

JOHN YA TUYENI
MRTUYENI76@GMAILA
CELL PHONE 0812988549

 

 

 

 

LEAVE A REPLY

Please enter your comment!
Please enter your name here