A yaha mumwayina nomushasho momutse

0
486

 

ONGWEDIVA-Oshiwike sha ziko omukalimo gwomOnyaanya okwali a tulwa miipandeko sho a yaha mumwayinagona nondjembo mokugulu nomomutse.

Opolisi yomOshikoto pahapu dha Kommissiona gopevi moshitopolwa shoka Naomi Katjiua okwa ti omuyahwa Ester Nelumbu gwomimvo omilongo 42 okuli monkalo ombwiinayi lela moshipangelo shepangelo shaNandjokwe.

Katjiua okwa ti otaku hokololwa kutya omutamanekwa Werner Ndjago ngoka eli mondholongo ngashingeyi  oyali taya nyenyeta anuwa megumbo shoka sha etitha opo a umbe ondjembo ndjoka ya lemaneka mumwayinagona.

Oshiningwanima shika osha ningwa uusiku kwatoka lela  megumbo moka oshoka ayehe yaali ya kala.

Opolisi oyati ondjembo ndjoka ya longithwa oye yi kuthako no ngashingeyi oyili momake gawo.

Ndjago okwa holoka nale mompangu yamangestrata mOndangwa moka ali a tindilwa ifutulemo obeila nokuli mondjedhililo sigo onena.

 

 

 

LEAVE A REPLY

Please enter your comment!
Please enter your name here