Young Kasi ta yalula omayambeko ge

0
368

 

ONDANGWA – Ongundu yaamati mboka yi imanga kumwe moku etapo oongalo mondoolopa yaNdangwa oyati otaya yalula omayambeko gawo , no taya gandja olupandu lwawo ku Kalunga.

Omakanda ngaka ga yambukile monooli yoshilongo, ohaga imbi oongalo noya pitithile oalbuma yawo omvula ya ziko. Moalbuma yawo moka otamu adhika uungalo wuli 18, nohaya imbi unene oongalo dhokwaito, hip hop, kwasa house na dhilwe woo.

Young kasi okuli mekwatelokomeho lyaamati yatatu mono muna Fillemon Angombe (Filly-zo), Johannes Namuhuja (Kapa KaMandela) na Teophelus Johannes (Dre YK). Ayehe oya yambukile mondoolopa yaNdangwa  n0o taya lalakanene okuyambulapo oshitalenti shawo yo ya gandje etumwala lina ongushu.

‘Otuna okangolo kamwe hono twa kwathelwa komuhikingalo Ziko a yambukile koAngola nolundji ohaka dhana koradio ya Kibangu hono hatu ka ithana ndanisa , shino oshali she tupe ompito opo tu ka kalelpo oshilongo komapapa goKibangu radio moLuanda, hono twa tegelelwa opo tu ka imbe okangalo ketu hoka, tse tatu thigthanapo naahikingalo yomoAngola moka,” Filly-zo tati ngaaka.

Oshituthi shika shomapapa osha unganekwa shi ka kaleko momasiku 22 Apilili nuumvo no Young kasi oya tegelelwa yi kale ya thika moLuanda manga omasiku ngoka inaaga thika. Taya ti oya pandula unene kompito ndjika ya mono opo ya ka talelepo Angola yo taya tala woo aahikingalo haya imbi koshilongo shoka.

Young kasi okwi itsakidhila no albuma ye ontiyali ndjono taya popi kutya otayi kala ya pita okuya pehulilo lyomvula ndjika. Filly-zo tati nonande oalbuma yawo ndjoka yotango yili momalandithilo moNamibia , moAngola otayi landwa unene noya tegelelwa ya kale ya faalelako uuCD mboka tawu pulwa unene.

Kapa kaMandela ngoka eli omwiimbi mongundu ndjika okwa indile aahikingalo ya longele kumwe, yo ngele ya mona ompito yokuka imba piishiindalongo naya longithe ompito ndjoka, yo taya tala woo aahikingalo yopiishiindalongo haya etapo oongalo dhawo. Okwati naya ilonge woo okugandja omapandulo mpoka sha pumbiwa. Tati otaya longo ngaashi taya vulu ya gandje etumwalaka lina ongushu.

LEAVE A REPLY

Please enter your comment!
Please enter your name here