Aanona yaali ya si ishewe omeya mOmusati

0
260

 

ONGWEDIVA- Aanona aashona lela yeli yaali yomoshitopolwa shaMusati oyasi omeya mehuliloshiwike sho yali taya yogo momandambo momikunda dhayooloka miikandjohogololo ya yooloka.

Uuyelele wa pewa omutoolinkundana nguka oku ziilila kopolisi yomoshitopolwa omo tuu moka otawu ulike kutya Joel David gwomimvo omulongo 13 gwomoshikandjohogolol shaTamanzi okwa si omeya omanga ali ta ka mbadhala okuyoga mendambo lili pomukunda gwawo.

David okwa za komukunda gwedhina Oshikuyu mOngandjera. Omanga Shitaatala Petrus Amukwa  gwokomukunda Onaniki moshikandjohogololo shaTsandi moshitopolwa tuu oomoka naye okwa si omeya mendambo lili mepya omanga ali a landula omumwayina omukadhona  ngoka a adhika ta ka hinga iikombo mepya .

Amukwa okuna omvula yimwe noomweedhi hetatu. Kapuna naanaa uuyelele wa gwana kutya omumwayina kadhona nguka okwe mu mona nenge ine mu mona. Po kapuna woo uuyelele tawu ulike kutya nakusa okwali ta nu omeya nege okwali tega dhana.

Omupopiliko gwopolisi moshitopolwa shaMusati Warrant Lineekela Shikongo okwa koleke iiponga mbika yopaali nokwati omazimo agehe gopaali oga tseyithilwa nale.

Shikongo okwa kumagidha aavali opo ya ndungike aanona kombinga yoshiponga nuuwinayi wokudhanena omeya oshoka iiponga yaanona taya si omeya mOmusati oya indjipala noonkondo.

LEAVE A REPLY

Please enter your comment!
Please enter your name here