Amutse a popitha Aalundjinda mesiku lyemanguluko

0
308

 

OLUNDJINDA-Engathithi enene olya li lya holoka pehalandjandjo li li pokati koongesefa mOlundjinda okutyapula oshituthi oshiti 26 shemanguluko lyaNamibia, ngaashi shili omukalo ndjigilile pOlundjinda.

Sho ali ta popitha engathithi Kansela gwaShikuku Modestus Amutse okwali a tsu omuthindo keyigidho lyomupresitende gwoshilongo , sho ta indile aaNamibia opo ya longe nuudhiginini nokwiiyambapaleka opo ku kandulwepo oluhepo.

Tati aaNamibia na ya kale yu uvite uugumbo nuunambano kwaashoka Namibia aningapo muule womimvo 26 dhemanguluko oshinima shoka iilongo yimwe ita yi vulu kuninga nando oya li ya mono omamanguluko gawo konima yethimbo nuule.

Okwati oshitopolwa shaMusati ashike osha li sha mono oopate  oompe dhakolongwa ngaashi, opate yOmafo Outapi, Ruacana Omakange, opate ya kwatakanitha Okahao Omakange naKamajab, okwati konyala oosikola odhindji odhili dhamona omalusheno moshitopolwa shaMusati na oyeli ta ya longo omutenya nuusiku oku koonako dhoka ina dhi mona olusheno.

Okwa li a tsu omukumo aavali opo ya tse uunona wawo omukumo opo wuye koosikola nokulonga nuudhiginini oshoka onakuyiwa yoshilongo oyili momake gawo.

Amutse ota kunkilile aagundjuka opo ya landule omayithano moosikola dhuungomba (Vocational Schools) oshoka oshilongo osha pumbwa okuhambudha iilongwamo yasho opo katu kale ashike twa yama kiilongo yilwe, ngele otashiya kiilongithomwa yesiku kehe.

Okwati onge oshilongo otwa pumbwa oku ninga oma pekaapeko gwoonzo dhoka dhili momidhingoloko dhetu opo tu tale nkene ta tu dhi hambudha nuku etapo iilongwamo yongushu , ta yi vulu wo okuya momalandithilo gwuuyuni, ta gandja oshiholelwa shoongongo dhoka ta dhi vulu okulonga iilongwamo ngaashi oothewa, omagadhi gwokulya nokugwaya nosho tuu.

Okwa li a kombo aakalimo yomOlundjinda sho ya kala noku tyapula esiku ndika okuza mo 1989 sigo onena ina ya nukapo nando omvula ina ya tyapula emanguluko tati oshinima shoka omikunda odhindji dhili dha ndopa okuninga.

Modestus okwali eende pamwe na Kansela gwaGongo omusimanekwa Willem Iiyambo ngoka naye ali a kombo aakalimo yOmolundjinda mOkathitu kaMbanda sho yeli yena uukumwe na oya li ya ulike uupendafule pethimbo lyekondjelo manguluko tati oshituthi shika osha li sha ningwa lotango mo 1989 sho aakalimo ya li ya dhimbulula kutya epangelo lyomukolonyeki olya li li li pokuteka esipa lyombunda tati Olundjinda olwa ninga ondjokonona oshoka olwo awike moshilongo ashihe lwa tyapula emanguluko omanga oshilongo ina shi manguluka sho ya li ye shiningi nokudhipaga ongombe mo 1989 sigo okonena oya tsikila okushininga kehe omvula.

Enyanyu olya li ta li monika kiipala yaantu aye he unene tuu lyaakulupe mboka yali ya holoka momwaalu omunene na oya li shili ya panda unene na oye shi ulike nomayimbilo gekondjelo manguluko ngoka gali ta ga dhana onkandangala petyapulo.

 

LEAVE A REPLY

Please enter your comment!
Please enter your name here