Eedula 26 demanguluko –Mboli otwa dja kokule

0
216

 

Oshipopiwa shomupresidende osho a yandja poshivilo oshi26 shetyapulo lemanguluko, otashi tu dimbulukifa nghene oshilongo shadja kokule nonghee, eliko loshilongo la xwepopala, nomukakena pashimaliwa, nonande oshiwana shafa shihe shi wete nawa.

She li kolelela komavalulo oilongomwa nomaliko omoshilongo, pashimaliwa ngaashi naana a popiwa kOmupresidende, omavalulo a Namibia okwa li ashike efike peebiliona N$2. 425 pefimbo lemanguluko.

Monena, eedula 26 konima yemanguluko, omavalulo aa okwa kula nokuli peebiliona N$141, hano eliko la indjipala lwoikando 25.

Kakele kwaasho oshimaliwa ashishe mouyadi osho hashi di kepangelo, oku longifwa komauministeli noikandjo aishe yopapangelo moshilongo osha li eebiliona N$2, adike. Nena oshikondo sho Namibia Student Financial Assistance, osho shi li shimwe shomoikondo youministeli welongo –osho ashike, osha pewa obiliona N$1. 2. Hano sha pewa oshimaliwa shi dulife petata lobadjeta oyo ya li ya pewa oshilongo ashishe mo 1990.

Okutala oshimaliwa shifike pwaashi shali shoshilongo ashishe paife sha pewa okakondo kamwe-kamwe, osha yela kutya, eliko lomoshilongo ola ya pombada, neenghono nonande ovaNamibia hatu li humbata twafa tu he wete eyooloko.

Okukula oku, ota ku endele pamwe noilalakanenwa yOiwana Hangano oyo tai lalakanene edimepo loluhepo momudo 2030.

Omolwa eliko loshilongo ta li ende nawa, onghalo yomaxupilo noshoyo kovakalimo, mwa kwatelwa eengeshefa, omalweendo, eepate, elongo neemina nado yoo oda xwepopala. Kashiimba ha ngaashi naana oshiwana sha teelela, ashike Roma ina shi tungwa omutenya umwe, koo vati kokule iha ku fikwa ongula.

Eyokomesho moshilongo omunhu oto tale keepate odo da tungwa noda tavakana oshilongo ashishe.

Nale okwali pena omupopyo kutya “Kehe omukwaniilongo omOndonga teende”, ashike paife omupopyo ou owa shendja.

Omunhu paife oto dulu okudja koRucana topiti mOutapi, nOkalongo wa yuka kEngela nEenhana, katee okoRundu.

Okuya koushimba, kutya nee okoWindhoek ile okefuta opena vali ondjila oyo ya pita kOmakange. Eendjila da xupipikwa shili, kutya nee odedi doteya ile odomamanya.

Omupresidende eli moshipundi shetulumuko tatekulu Hifikepunye Pohamba okwa li hati “opate ngee ku i wete, nande owa nyongama ndee to i lafa, pamwe to itavele” kutya oshilongo ota shi xumu komesho shili”.

Ngee owa tale kelongo, moshilongo paife omuna oUniversity yaNamibia oyo paife ina oitai ya andjakana keenhele neenhele moshilongo. Opa tungwa yoo nofikola oyo ili le po omakanapa moshilongo, oko haku tumwa ashike ovanamaano kuhena vali.

Ovaetimo veliko okudja kondje yoilongo navo ota va ulike ohokwe yavo meliko loshilongo ngaashi ova Fransa novaChina ovo tava ulike ohokwe meemina nova tula mo nale oshimaliwa meemina nokuli. Omina yoB2Gold noumina vamwe va shona ovo oshiholelwa.

Ngeenge nee osheya kounamapya paife otu na Etunda, neefaalama doihape dopopepi ngaashi pEpalela. Nale ngeenge owali onyanga shapo oya dja koushimba, ya longwa keefaalama doindele. Omolwaasho oikulya ei tuhe shi twa kala nokuli twe i luka oikulya yokoushimba ile oikulya yokoindele. Ashike paife ovanhu konoli noitukulwa ikwao medu laaveshe, otava kunu nolwishi. Ngee omhata yuka po po Kalimbeza u tale.

Ngee oshe ya kouhaku, oipangelo noukilinika vopaumwene edu to yele. Ei ye pangelo oya xumifwa komesho noku pewa omatungo mape noilongifo youteknologi wopaunamiti wopashinanena elela. MOmuthiya namo paife omu na oshipangelo. Oukilinika navo paife oveli oshilongo ashishe.

Exumokomesho eli ota li ulike ashike kutya onghalo youxupilo moshilongo oya xwepopala osho shina omufindo konghalo yomaxupilo mondjato yomukwashiwana keshe.

 

LEAVE A REPLY

Please enter your comment!
Please enter your name here