Ekopi lyoThe Namibia Newspaper ehulilo shiwike ndika

0
255

Komutoolinkundana

Oospana dhaadhani yokohi yomimvo 20 dha za kiitopolwa ayihe 14 moshilongo odha thika moRundu oku ka kuthombinga muudhano wekopi lyoshinkundana sho The Namibian nuumvo.

Ethigathano ndika limwe lya simana kaadhani yomimvo dhokohi yooomvula 20 nuumvo olya nkondopekwa sho Ombaanga ya Nedbank ya waimine oonakulilongekidha ongo ehangano limwe lyomwaangoka taga kwashilipaleke uudhano mbuka. Omukwashilipaleki omukokoli gwethigathano ndika oye Free Press of Namibia ngoka oye mwene gwoshifo shoThe Namibian.

Nedbank Namibia okwa joina ethigathano ndika ongo oye omukwashilipaleki omunene giimaliwa yoondjambi muudhano mbuka sho uuvaneke ta gandja ooN$500 000, omanga olutu lwOmiyalu lwa Namibia nenge Namibia Statistics Agency otalu gandja ooN$49 000 ye Coca Cola oye omukwashilipaleki gwiikunuwa ayihe yaadhani pambelewa ngoka ta gandja iikunguluki ayihe yongushu yooN$60 000.

Ehangano lyokutuma omawi mOmbepo lyaNamibia nenge Namibia Broadcasting Corporation (NBC) olyo omutumi mOmbepo omunene guudhano mbuka mOoradio  dhomalaka agehe omanga uudhano tau dhanwa . Oshowo okutuma uudhano mbuka pamathano moTiivee wa katekwa kashona.

Pahogololo kutya ethigathano ndika otali dhanwa ngiini, oshitopolwa sha Musati shoka osho sha sindanene omvogu otashi dhana mongundu muna Otjozondjupa, Hardap oshowo Khomas ngoka a sindana ekopi ndika iikando ine , ndjika oyo ongundu yaB.

Oshitopolwa sha Kavango Uuzilo moka omo tamu dhanenwa uudhano nuumvo otashi dhana noshitopolwa Ohangwena naashoka sha //Karas mongundu ya D. Omanga Oshikoto shoka osho sha dhengelwe kOmusati methigathano lyahugunina  omvogu oshi li mongundu ya C pamwe noshitopolwa Oshana oshowo omusindani gwomomuvo 2012 oshitopolwa Erongo.

Omusindani gwethigathano ndika iikando itatu oshitopolwa Omaheke  okuli mongundu ya A pamwe niitopolwa Zambezi, Kunene oshowo oshitopolwa sha Kavango Uuninginino. Omusindani mongundu ya A ota ka tsakanena nomusindani mongundu ya B omanga aasindani mongundu ya C naandjoka ya D ota ya ka palamenathana  medhingoloko lyosemifinala. Ondjambi yomusindani oya gwedhelwa no ya thikama pooN$ 35 000 ngoka a landula omusindani otaka pewa ooN$ 20 000.Mboka ta ya kala pehala etitatu netine kehe gumwe ota pewa oo N$10 000 oshowo ooN$5 000 palandulathano ndyoka.

Omudhani guudhano ota pewa ooN$500 omanga oondjambi  dhoohandimwe  dhili poo N$2 000 okuyeleka nooN$1 000 omvogu. Uuministeli wOmaudhano owo wa gandja  iiyenditho ayihe mbyoka ya thikitha oosipana adhihe ndhoka moRundu.

 

Ethigathano ndika otali tameke Metitano Ewanawa etali hulile mOmaandaha goPaasa. Aadhani mboka ya tegelelwa oku kuthombinga muudhano mbuka oomboka ya valwa okuza mesiku 1 lya Januali 1997 nenge koomvula dhili kohi yaandhika. -www.nfa.org.na

 

Oongundu odhili ngaashi tashi landula:

Ongundu ya A: Zambezi, Kunene, Omaheke no Kavango Uuninginino.

Ongundu ya B: Otjozondjupa, Omusati, Hardap noKhomas.

Ongundu ya C: Oshana, Erongo nOshikoto

Ongundu ya D: Kavango Uuzilo, Ohangwena no// Kharas

 

LEAVE A REPLY

Please enter your comment!
Please enter your name here