Elelo laLüderitz la shivifa ovaleli vape

0
295

Lüderitz – Elelo lodoolopa ya Lüderitz ola longekida oshikonga sho kushiivifa ovaleli vodoolopa kovakalimo aveshe vomoshilando shika. Eshiivifo lovaleli ovo tava lele odoolopa ya Lüderitz oule womido dili nhano twafinda, ola ningwa pamukalo wo yoongalele tai ningwa olukanda nolukanda.

Ooyoongalele oya tamekele mu Maalitsa 2016 nokwa teelelwa taika hula momafiku 05 Apilili 2016. Oyoongalele oi li mewiliko lomunambelewa omukulunhu wodoolopa ya Lüderitz Aunie Gideon. Peenhele adishe odo da tofwamo ta diningilwa oyoongalele , ohai tameke potundi 18h00.

Moyoongangele ei Gideon otashiivifa ovaleli vape kovakalimo vomeenhele omo, nokushiivifila yoo oshiwana kombinga yeeprojeka odo kwa teelelwa tadii moilonga odula yoneudo.

Ovaleli vo doolopa ovo: Meya  Hilaria Mukapuli, omupedu Meya Brigitte Frederick, Omunashipundi wewilikongudu, Calvin Mwiya, oilyo yewilikongudu Wilem Gumede na Johannes Abraham, oshoyo Shipola Shihepo , na Elizabeth Wilskut.

Gideon okwa shiivifa kutya eeprojeka odo tadi ka hovelwa diva odula yoneudo odo: otaku katulwa oteya kondjila, yokudja pofikola po Diaz okuya keembelewa da Natis ondjila oyo ina oule woshikako shookilometa imwe. Nokwa shiivifa yoo kutya otaku ka tungwa onhele ya kadima mundilo modoolopa.

Moyoongalele yoludi eli, Elelo lodoolopa otali ende yoo tali pula ovakwashiwana, va yandje omafaneko aasho vahala shikwatelwe momutengenekwafaneko wo dula 2016/2017.

Momafiku 30 Maalitsa 2016 oshihongi otashi ka kala kolukanda lo Area 7 tashi ningilwa posaala ya Cosira, mo 31 Maalitsa 2016 oshoongalele otashi ka kala kolukanda la NHE tashi ningilwa po saala posekundofikola ya Nautilus, noshihongi sha xuuninwa  otashi ka kala mongulu yoyoongalele yelelo lodoolopa oko kwa teelelwa ovakalimo vomodoolopa oshoyo ko Burenkamp. Oyoongalele aishe ei otai hovele potundi 18h00.

 

 

LEAVE A REPLY

Please enter your comment!
Please enter your name here