Geingob ota ka longa nawa shi iwetikile

0
227

 

Komutoolinkunda

Windhoek

Omuperesidende Hage Geingob okwa ti okwi itula mo mokulonga ashihe puuyelele nokeena shoka ta holeke miilonga ye okukwatela Namibia komeho.

Geingob okwa ningi euvaneko ndika lyokulonga shi iwetikile komuntu kehe opo pwaa kale nando oongoka tapopi kutya opena iinima tayi ningilwa meholamo. Okwa kumike wo omukwashigwana kehe a kale a tonata opo uuna ewete uulingilingi tawu ningwa kaa kale a fa keeshi wete ndele eshi lopote opo shika shi hulithwepo

Omuperesidende okwa popi ndhika moshipopiwa she pedhimbuluko etimi-26 lyemanguluko lya Namibia pokapale kEmanguluko moVenduka Omaandaha. Omutse gwoshilongo ogwa ti iiyelo yEgumbo lyOshilongo oya egulukila omuNamibia kehe oku talelapo okukonga omayele ,okukundathana nkene oshilongo tashi humithwa komeho. Ndele Geingob okwa londodha mboka ya hala oku talelapo oombelewa dhe nelalakano oku kundathana ootendela oshowo omathaneko goongeshefa kutya mbaka omiyelo odhe ya patelwa. Okwe ya ndungike kutya ngele oya hala oonkundathana minima ngaambyoka oyena okukonga oompito ya popye nooMinista ndhoka dhina sha niikondo moka iilonga mbyoka tayi  adhika.

“Ngame inandi hala omuntu to ya kungame wu kundathane kombinga yotendela nenge wu hokololela ndje kombinga yomathaneko gongeshefa yoye, Ngoye to zipo to popi kutya owa mona Omusamane omukulupe  aawe ngame kandishi Omukulupe.”

Omutse gwoshilongo ogwa ti Namibia okwa katuka oonkatu okuuka komeho okuyeleka nethimbo ndyoka sho opo a manguluka omumvo 1990.Okwa gandja oshiholelwa kutya omutengenekothaneko gwomomi 1990 ogwa li ashike oodola oobilliona mbali okuyeleka noodola oobilliona konyala tadhi hala okwaadha 70 nuumvo.

Iilikolomwa yomoshilongo ayihe kumwe oyali ashike nongushu yoodola oobilliona ntano lwaampoka omanga nena omahupilo agehe iilikolomwa yago oyi na ongushu yoodola oobilliona 141. Onkene Geingob okwa ti omipopyo dhaantu aashonashona mboka taya popi kutya Namibia kena mpoka a ya okuza kemanguluko kadhi dhoshili.

Okwa ti komukanka nguka gwa tungwapo mewiliko lyaamboka ye mu tetekele, gwombili gwa fulwa kOmukokoli Peresidente Sam Nujoma naangoka gwengungumano gwa kolekwa kOmuperesidende Hifikepunye Pohamba okungoka ye pamwe nomuNamibia kehe ta ya tsikile okukoleka elikolo neyambapalalo lyomukwashilongo kehe okuza nuumvo.

Okwa ti “Ethaneko nondunge yo Harambee yoku etapo uuyamba komuntu kehe  otayi tungilwa  koongudhi dhewiliko tali longo, eyokomeho pamahupilo, eyokomeho pankalathano  oshowo eyokomeho lyiilongithwanima. Yo ayihe mbika otayi kala etsikilo lyaashoka shatungwapo konima yemanguluko sigo onena.

 

Naashika osho oonkatu dhiiwetikile kutya tse otwa tokola oku etapo eyokomeho ngaashi tatu li popi meni lyomimvo ne ndhoka dhili komeho.” Okwa endulula kutya “Moshigwana sha Namibia gumwe noshigwana shimwe tse otatu ya kumwe  kohi yedhiladhilo  lyo kutya “Ina pa kala omuNamibia uuvite eedhililwa pondje nenge ewete inaa yalulwa”

 

 

LEAVE A REPLY

Please enter your comment!
Please enter your name here