Nakapele Volleyball Club oye enyakwa moNorth Cote

0
266

 

ONDANGWA-Nakapele Volleyball  Club okwa li azi mokafudhepo a pyakudhukwa no ta ulike oomemo konima sho ali ine shi enditha nawa omvula ya zako, na okawa li uulukile oosipana oonkwawo komutse gwOndjamba sho ali e shi pondola okusindanapo otonamende ndjika ya li ya dhanwa ehuuliloshiwike lyazako.

Osipana ya Nakapele yaamati oya li ya dhenge mo osipana yo Eleven Warriors 3-2 medhingoloko lya hugunina ndyoka lya li itaa li nuwa omeya noku toolapo ehala lyotango moka ya li ya mbendekwa okapandi koodola N$ 5000,ekopi, noombandi dhoshingoli, omanga Eleven Warriors ali eya pehala etiyali moka ali a toola po okapandi koodola 3000 noombandi dhoshisiliveli.

Six Stars okwa li a hanagulapo Eenhana 3-1 mondjila yoku kondjela ehala etitatu moka Six Stars ali a fala kegumbo okapandi ko N$ 2000 noombandi dhoshikushu.

Moosipana dhaakadhona Eleven warriors  okwa li a hanagulapo Oshana Nampol 3-0 noku toolapo ekopi lyaakadhona nokapandi ko N$ 5000, opamwe noombandi dhoshingoli, Oshana Nampolo oya li ye ya pehala etiyali moka yali ya mbendekwa okapandi ko N$ 3000, noombandi dhoshisiliveli.

Nakapele okwa li eshipondola oku dhenga mo Six Stars mondjila yoku kondjela ehala etitatu 3-2 noku toolapo okapandi koodila 2000 noombandi dhoshikushu.

Mwita Sikop oye omudhani dhingi muudhano awuhe nokwa li a pewa okapandi koodola 5000, omanga Simon ali omudhani dhingi muudhano waanona moka naye ali a pewa okapandi koodola 250, Ruben Ngesheya oye omudhani dhingi moku keelela omatanga mombanda na okwali a mbendekwa okapandi koodola 250.

Tumiki Mbinda naye wo okwa li a mbendekwa okapandi ko 250 sho ali uulike ontseyo moku keelela omatanga mombanda.

Siseho Moyo oye omudhani eshi ku ponoka evule yakwawo opamwe naNangula Shikongo na kehe gumwe okwa li ambendekwa 250.

Uudhano mbuka owa li wa kuthiwa ombinga koosipana  hetatu, na owa li wa kwashilipalekwa noodola omayovi 50 000 kewiliko lyosikola yo North Cote Private School mOndangwa ndjoka ya ti ota yi ka gwedhela oshimaliwa shika sigo opoodola 100 000 momumvo ta guya.

Volleyball Opening 1: Dhimwe dhomoosipana dha li dha kutha ombinga motonamende ndjika.

LEAVE A REPLY

Please enter your comment!
Please enter your name here