Omuniilonga momatungo gumwe a gu ketungo nokusa

0
345

 

 

ONGWEDIVA

Gumwe gwomaaniilonga yomatungo mboka taya tungu pehala lyomalandelo mondoolopa Outapi moshitopolwa shaMusati okwa si sho a gu pombanda yetungo mEtitano lya ziko.

Oshiningwanima shika oshitiyali sha landula kwaashoka shaningilwe omumvo gwayi mondoolopa omo tuu moka sho aaniilonga yaali yomatungo yali ya hulitha sho ya gu komatungo ngoka taga tungwa mondoolopa ndjoka.

Omupopiliko gwopolisi Warrant Lineekela Shikongo okwa ti nakusa anuwa okwa li iipyakidhila ta thitike etungo ndyoka lya lopotwa kutya otali loko opo eli thitike pombanda.

Okwa ti nakusa sho a gu pombanda mpoka okwa li  eehama noonkondo komutse gwe nokwali a falwa mbala koshipangelo shepangelo shaOutapi hoka inaa kalako nokwali a falwa meendelelo koshipangelo keshepangelo oshinene monooli kOshakati hoka ali a hulithile sho a thiki mo.

Nakusa oye nee Simon Petrus  omunamimvo omilongo 30 a za komukunda  Olukekete  mOmbalantu moshikandjohogololo shAnamulenge .

Shikongo okwa ti aapambele naashiwikile ayehe oya tseyithilwa onkundana ndjika yoluhodhi

LEAVE A REPLY

Please enter your comment!
Please enter your name here