A tumbalekwa kaalelwa ye muElim

0
306

OHETI- Kansela Gerard Shiimi gwoshikandjohogololo Elim moshitopolwa shaMusati okwa nyanyukwa noonkondo sho anuwa aakalimo yomoshikandjohogololo she ye mu simaneka, unene tuu  aakulupe mboka yi iyutha kelombwelo lye lyokutunga oondunda dho kulala.

Shiimi okwa ti pehulilo lyomvogu okwa li a talelepo momikunda moka ali iitsu mo aakululpe ha ya kwata iimaliwa yopenzela ihe kaye na oondunda dhokulala.

“ Sho ashike nda gandja elombwelo kutya na ya kambadhale ya longithe oshimaliwa shoka nawa oyali ya endelele noya tunga nale oondunda dhawo oombwaanawa,” Shiimi ati ngaaka ti imemeha.

Kansela ngoka uuvite uugumbo kutya aakuluntu yomoshitopolwa she oyena evuliko okwa ti okwa nyanyukwa noonkondo nokwa pandula kwaashoka taya ningi.

Okwa ti oshi li sha pumba unene aakuluntu mboka ye vule kansela nguka pakuvalwa oku iyutha koompango meendelelo ngaashi ngeyi.

Gumwe gwomaakulupe mboka ngashingeyi yena oondunda ombwaanawa dha dhengelwa miipeleki oyo Johanna Martin ngoka a za komukunda Oheti moshikandjohogololo omo tuu moka.

Martin okwa kala ta lala mokandunda moka hayi mo atsa oongolo opo a vule okuya mo ngashingeyi ota lala moshipeleki moka mwa andjuka nawa.

Sho Kundana ayi a katalele po Martin okwali  aadha mondunda ndjoka ompe omo a tula iinima ye oshoka aniwa mondunda moka a kala ha lala ita yi gwanamo we.

Kansela okwali emu lombwele opo a tembukile mondunda ndjoka ompe , ye a longithe ndjoka onkulu ongompungulilo.

Kakele kondunda ndjoka Martin ha lala, Martin ngoka ena oohema odhindji oombwaanawa, okuhole woo oku zala iikapute yamangwa nongodhi noshowo oohema noombulukweya dhaya ndekwa iiyando.

Ashike nonando Martin okwa hokololwa ku hekulu omukukutu piilonga yomepya ita adhika nando okomuntu oshoka okuyi hole noonkondo adhihe.

Martin okwa hokololwa ehole okulionga oku teka, oku litha iimuna noshowo okumwa omboga mepya.

Ashike, okwa hokololwa ena woo omanganga ha vulika ashike ku hekulu ngoka e hole.

Martin onkalo ye oyi ili oshoka ihanu niimaliwa ye oha fumvike mondunda ye.Esiku Kansela e mu thikama ete mu lombwele a lande iitungithi Martin okwali a landa iipeleke yili omulongo 18 poshikando .

“ Shika oshikumithi oshoka iipeleki yili omulongo 18 oyindji oku landa poshikando sha hala kutya aantu otaya ningile iinima owina,” Kansela ati ngaaka.

 

Caption Pictures

Johanna Martin a thanekwa eli pondunda ye ndjoka ompe eli na Kansela gwe ngoka emunyanyukilwa.

Martina tayi mondunda ye ndjoka onkulu a kala ha lala.

 

LEAVE A REPLY

Please enter your comment!
Please enter your name here