Tuudila a talele po Emmanuel

0
402

 

 

ONDANGWA  – Ongundulwiimbo dhaTuudila Musical Works ndhono dha yambukile monooli yoshilongo odhali dha longekidha osheendo showina shono shali sha ka talelapo egongalo lya Emmanuel mOvenduka ehulilo shiwike lya piti.

Tuudila musical works okuna oongundu dha hangano muukumwe oshilongo ashihe ndhono hadhi imbi oondjimbo noku taandelitha evangeli liye nuuyuni awuhe. Oongundu ndhino dhili mewiliko lya Tulonga Nakamhela, aayimbi yomoongundu ndhika oyeli meni lyoshilongo oshowo poAngola.

Nakamhela okwati ohaya longekidha omatalelopo komagongalo gi ili nogi ili nelalakano ya faleko evangeli yo ya gandje etumwalaka tali pitile moondjimbo. “Ehuliloshiwike lya ziko otwali twa kutha osheendo shetu sho twa talelepo egongalo lya Emmanuel mOvenduka, otwali twa tameke olyomakaya sho twali twa tokelwa mohungi sho twa tsakanene noongundu dhimwe dhomegongalo oshowo ongundu yetu ndjoka yili mOvenduka Ndaudondaka,” Nakamhela tati. Tati osheendo shawo oshali shina elalakano opo ya kwathele nokuyambidhidha egongalo opo li vule li tunge osenda yilwe mono tamu kala tamu ningilwa omagongalelo nenge iigongi , yi gwedhwe pwaandjoka yi lipo nale yetungo lyegongalo.

Oongundu ndhika odhali dha tsakanene naakwanegongalo mosoondaha melongelokalunga, nokwali kwa ningwa omakondjithathano pokati koongundu dhaTuudila negongalo lya Emmanuel. Egongelelo lyoshimaliwa ndyoka olyali lye eta oshimaliwa shooN$100 000.000, mbyono Nakamhela tati otayi ka yambidhidha etungo lyegongalo lya gwedhwapo.

Nakamhela otati etalelepo lyawo olye enda naa noonkondo no taye shi pandulile Kalunga. Okwati oongundu dhe odhi ilongekidha okutalelapo omagongalo ngoka yu uvaneka yo taya taandelitha etumwalaka pamukalo gwoondjimbo, lyo liye nuuyuni awuhe. Ta gwedhapo kutya oondjimbo odha simana onkee oyena okudhi kalekapo. Tati omvula ndjika yo2016 ota tokola opo ya kale taya talelpo omagongalo ga yooloka, yo taya tsikile nokulongela Omuwa. “Iilyo yoongundu dhetu otayi ende tayi koko esiku nesiku notayi holola eitulomo ewanawa moondjimbo, elongelokumwe olyo oshinima shasimana oshowo ohole yuumwayinathana nena shino osho hashi tu fala komeho moondjimbo dhetu, tse tu wape tu imbe omaimbilo ngoka taga tungu nogena etumwalaka,” Nakamhela ta tsikileko ngaaka.

LEAVE A REPLY

Please enter your comment!
Please enter your name here