TUYENI KOLUPALE LA TUYENI

0
348

Omote, kailidule nomulodi.

Mounyuni weehamba donale omhote vati ngeenge ili pomukunda, okwali hai ka lopotwa koomwene womukunda, ye mwene womukunda teke shi tyako kouhamba.
Ngeenge taku popiwa omote, omukwatakanifi weendaka, omupopi woinima naai i na tumwa aka popye ilo imwe eimona ndele inai mu pamba.
Ohamba yomoshilongo omo kwali mwa lopotwa omote, va ti okwali ha yuufana naku lopotwa ndele tai kala noku mu pula pula omapulo, nongeenge ne oye mu mono ondjo, ohapewa ehandukilo lokukala tafe oifidi mouhamba eemwedi nhatu.

Oshili mounyuni wonale okwali muna eeveta hadi longo moshili do okwa li tadi tulifa po ovanhu oundjanga. Ashike oiyolifa okwali nee haikala apa kutya, oupote woovene ihau tulifwa po omunhu molwaashi oshinima ngo nasho hashikala mohonde shafa oumbudi.
Ndishi mounyuni wonena outu na mo ngoo eemote, omunhu eli ngoo poima ndele oshili okwa pota afa oradio ei hailombwele ovanhu poshikando shimwe moshilongo ashishe. Omunhu eli poima eudite ovanhu tava popi ye haye ta lombwelwa ndele eshi ta di opo ote ke di tula naana peenhele.
Eemhote dovene odedi ngaha, medimo leni omo omuna okukala muna omhote, nopomukunda weni opo ho di opena okukala pena omhote, mombelewa yeni omo holongo, namo omuna omhote, nomokalukanda keni omo hodi namo omuna okukala muna ondjanga mutwe.

Naku kala nomwenyo keshe omukainhu ilo omulumenhu otadulu okukala omhote molwaashi oupote nao ohaukala mohonde, efimbo limwe ovakulunhu ohava popi ta vati, oupote ohaudulu
okukala oshi fyuululwa honde, hano shahala okutya oshinima shomedimo eshi kufapo hano, nge kwali shainakulu umwe evafiyapo nale.
Paife ondina ne okumona ngaipi kutya JOHN YA TUYENI winya tadi kwinya omote ei ya konghola ngeenge mboli kadina omavala?
Omhote ne ohaikala ya dingililwa koinima ngaashi; oupote ihau li fiye po noipupulu. Vali oupote ihau li kala kokule nelunguluko, molwaashi ngeenge owa shakene nomote manga ashike ino ipula apa taidi, yo oya popyapo nale ndele naashi yafiyako nde naashi ya monako yo tai wedako noxo.
Natango oupote oweli manga kumwe oukaume noku lopota, molwaashi ito hange omunhu omulopoti ndele oupote tau mu kala kokule.
Omote yoovene ohaidulu okudipaifa ovanhu,molwaashi otaidulu okupopya oshinima osho kwali inashi pumbiwa okuudika nokuli ilo okutongwa, ndele molwaashi eemote kadina omaxuli nomaxwilili, ohaidulu okupopya keshe eshi ya hala ilo efimbo limwe ilundile nokuli.

Eendjangamutwe kadi na kaume do kadina felende, molwaashi keshi ashike ou tai shakeneke okaume kayo opo shikale shipu okuhokola omahokolo oshili ilo oipupulu, ngeenge nakuhokololelwa ina kotoka, eshi taidi opo otai ti ovo naye kwali tavapopi eendaka odo.
Ndishi onde mu lombwela kutya oupote ihauli kala kokule nokulopota, paife omwadimbulukifa nge ne moshilongo shetu eshi kwali muna oita eedula dinya, okwali  muna ovamwameme vamwe kwali vapota kwali hava ka lopotela ovatilyane oikulo yo Swapo apa haikala.
Ndele molwaashi oshiwana eshi shali momufitu okwali sha hala emanguluko, okwali sha mona kutya aa omadangalati anangala mondjila yokuya kemanguluko, okwa pungululwamo ashike opo tu hange emanguluko sha hala hano okutya itatu imbwa okumona emanguluko keemote tadi lopotele ovatilyane.
Oshili wa mona ashike omunhu alonda kokamwadi ove owe ke shityako opo utulilwemo, ove wee heshi eshi ta ningi,hano naasho okwali oshitopolwa ngo shoupote sha holokele moNamibia omu eedula dinya, ashike koneneka nawa vakweni venya oupote ove utulifilwepo nale.
Ovashiinda vamwe paife ihava popi ndele omedina ngo leemote, novanailonga vamwe moilonga nomeembelewa donhumba ihava popi ashike omedina ngo loupote, omote yoovene okudenga ovanhu omitwe kumwe, osho oyo oilonga yayo omutenya noufiku.
ngeenge ne naave ino kotoka, naave oto dulu okudjoina oupote efimbo limwe to shi tamekele nande opombada nokuli nonande kashili mohonde yoye,molwaashi ouhole okukala neemote ove noxo ouhole okupopya oinima naai inai ku pamba ilo wee he ishi nawa.
omukulu wonale okwa ti, kaume kombudi naye ombudi ashike, ye kaume komote naye omote ashike, oshike ho kala nomote ove wee he shi omote, ohamu kala tamu popi shike, hano naave oto ka ninga ngoo omote konakuiwa shikotokela ino shi dimbwa.
Ndishi moshilongo shetu paife omuna ngoo ne oufemba womunhu, omunhu to hange ashike ta popi ndele noinima yokumutulifa momalyenge kave ishi vali, omunhu eli poima ndele keshe fiku edina laye olo ngo lili moikundaneki, omunhu eli poima ndele kehole inaa fanekwa moifo mbela ohakwatwa koshidu.
Omunhu eli poima ndele oye ngo ena oufemba wokunyateka omadina avakwao, omunhu eli poima ndele oye ngo eshi oinima ei tainingwa komaumbo avakwao yapuka, noinyenye yovanhu tailiwapo ku vamwe oye ngo eshi ava ha ve ili, kushi ne kutya ye ohakala peni.
Hano onda hala ashike okumu dimbulukifa kutya, efimbo limwe okanya koye nako okafa ashike otuwa ili kopate ngeenge oto shingi nai otaiuko, hano nongeenge ino kotokela omulungu woye otau ke ku twala momeya mapyu.
Nye tamu lilongo okutala nomesho ko okanya taka umikeko, osheshi omesho iha etele omunhu oupyakadi, shapo ongeenge to fufilwa omadu momesho ngeenge ouhole okutala ovakulunhu itoopakuma.
Oupote ouna ne okuukeelela ngaipi opo uhe ku kwate?
Lilonga ne ngaha, ngeenge owa hange ovanhu tava popi kutya nee ouvashi ndele eendaka kushi apa da tamekela, kendambala uhe di yambidide ilo upule omapulo, osheshi kushi kutya ovatameka ngaipi. Napamwe eshi va tameka ovatameka nedina loye hano oove kwali tava popi.
Efimbo limwe eemote ohandi toto eendaka, ndele ove ngeenge owe di yambidida, oshili oove ashike tadi ka lambalalapo wafa oove wedi totapo, molwaashi do efimbo limwe ihadi kwatwa naanaa kusha.
Nye omwapumbwa ngo natango okulilonga ngaha, ngeenge tamu popi vakweni kaleni ngo hamu popi tamu tale konima, ilo tamu popi tamu ningile komongula molwaashi ounyuni oukwanakuminuka, wo ne oupote nao ouna ngo exulilo.

Luhapu shima to hange ovanhu vonhumba veli yala, ihava kala vehe liwe pokati komunhu wonhumba ou womosheendo shaava haku tiwa eemote, onghee ovanhu ovo ngeenge vo va vali tova kaleke omutumba to vapula kutya hano omweliyalela naanaa shike, ova akama ashike mokanya itave ku nyamukula.
Hano osho ngaho va Namibia, oupote ohauli ovanhu wo ne oupote nao kau lidule noulodi molwaashi eemote nado ohadidipaifa ovanhu ilo efimbo limwe odo dikanife omwenyo wado, kotokela okanya koye ou iho lombwelwa ngeenge wa yi povanhu eedi tava mono tete.

Didilika: Omadiladilo nomushangelo moshipopiwa eshi oomushangi mwene ndele kaeshi a Kundana.

JOHN YA TUYENI
MRTUYENI76@GMAILA

LEAVE A REPLY

Please enter your comment!
Please enter your name here