Uri-Khob a mono ospana ompe moThailand

0
214

Komutoolinkundana
WINDHOEK – Omudhani nale gwokomeho mospana yopashigwana Brave Warriors, Sadney Sittos Uri-Khob okwa mono ospana ompe moliha yopombanda ya Thailand. Onzo yi shi ku inekelwa oya koleke kutya Uri-Khob okwa shaina euvathano nospana ya Osotspa FC moka mwali hamu dhanene nale Lazarus Kaimbi na Tangeni Shipahu. Omudhani nguka a li nale hadhanene ospana yoCivics okuli natango ta tipo hwepo keehamo lye lyomongolo ndyoka a li a ningilwa muAuguste omvogu. Nguka okwa tegelelwa opo a tameke okudhanena ospana ye Osotspa omwedhi tuuka. Omudhani nguka okwa li a thigwa keena ospana ndjoka ta dhanene konima, sho ospana ye ya ndopa okugwanithapo iipumbiwa yokukala moliha yuudhano wetanga lyokoompadhi moshilongo shoka. Opo ospana yi kale moliha ndjoka oyina okugandja ekwashilipaleko lyopashimaliwa konyala lyiimaliwa yoomilliona 20 dhobaht nenge oomilliona N$9,1 opo ndjika yi kuthombinga moliha yuudhano mbuka. Ihe ospana ye, yo Saraburi oya nyengwa okugandja ekwashilipaleko ndika kombaanga, konima yoonkambadhala dhayo okumona omuyambidhidhi pashimaliwa opo yi vule oku kala moliha ndjika. Konima
yokundopa okumona omuyambidhidhi gwopashimaliwa, ndjika oya tseyithile aadhani opo ya ka konge oospana moka taya vulu okutsikila okudhana. Pethimbo ndyoka lyokukonga mpoka, mbaka taya uka, Uri-khob okwe shi tompola opo a mone ehala lyoku dhana mospana yaOsotspa. Uri-khob okwa li a joina ospana ya Saraburi
okuza koCivics ndjoka ha yi dhanene moliha yopombanda ya Namibia, petameko lyomumvo gwayi. Okwa li wo a dhanene ospana yo Amazulu moliha yopombanda yaSouth Africa.

LEAVE A REPLY

Please enter your comment!
Please enter your name here