Yeli 806 ya dheulilwa uukwiita

0
329

 

 

KuMaria Namupala

ONDANGWA – Konyala iilyo yili 806 oyali ya wayimine etanga lyegameno lyaNamibia, konima sho ya li ya kala momadheulo  poPeter Eneas Nanyemba mpoka pwali nale hapu ithanwa Oluno military base.

Ongundu ya thikama maamati naakadhona oyali ya tameke omadheulo gawo omumvo gwa ziko muKotoba, nomEtine lya piti oyali ya dhana oshituthipito shawo. Aapiti mbaaka oya li popithwa kuMinista gwegameno Penda ya Ndakolo. Aakwanepangelo yoondondo dha yooloka,aavali oshowo aakwashigwana oyali ya gongala noku ninga oombangi dhaapiti mbaka.

Minista Ya Ndakolo okwali a pula iilyo mbika yetanga lyegameno iipe opo yi itule miilonga yo ya longe ngaashi yeshi uvaneke pethimbo lyomadheulo. “Otandi mu pandula amuhe sho mwa gandja eitulemo lyeni ewana pethimbo ndyoka mwa kala tamu dheulwa nongaashingeyi omwa ninga iilyo yetanga lyegameno pambelewa, tsikileni nokulonga nomukumo ne tamu gandja oshiholelwa oshiwanawa moshigwana,” Ya Ndakolo ta ti.

Okwa indile opo iilyo iipe yi kale tayi pula mpoka kaayi uvite, yo yi kale yi na esimaneko, yo ya gandje oshiholelwa oshiwanawa moshigwana. Ya Ndakolo ta pula iilyo iipe pepito lyawo opo yi idhidhimikile onkalo ndjoka unene yokwaahena omalukalwa, ta ti Uuministeli we oshinima shono otawu longo nasho, nuupyakadhi mboka otawu kala wa kandulwapo mbala.

Brigadia Ndjai  Wilbard Shikongo pethimbo ali ta popitha aakwashituthi okwa li a holola kutya pethimbo omadheulo opo ga tamekwa oya li ye na iilyo 810, nokuya pokati mpono ya ne oye ke etha konkalo yuundjolowele nokomatompelo galwe. Shikongo tati iilyo mbino ya pitithwamo mEtitano oyi li 806 mono mwa kwatelwa aalumentu 539 naakiintu yeli 267, mbono ya kalamo oomwedhi hamano dhu udha no inaaya ninga nande okafudho kasha.

Ta ti oyali ya ningi omadheulo oshowo omadhewo. Ta gwedhapo kutya shino oshili oshikando oshitimulongo noshitine konima sho oshilongo sha manguluka.

“ Omadheulo ngano ohaga ningwa nelalakano opo aagundjuka aamati naakadhona mboka yena ehalo nohokwe yokuwayimina etanga lyegameno ya pewe omadheulo ngoka gu uthwa, noku ulukilwa nkene yena okukala miilonga, yo ya tseye woo gamwe gomomauthemba gawo nogaakwashigwana, otwa adha onkatu onene sho tatu dhana oshituthipito shika oshiti14,” Shikongo ta tsikileko.

LEAVE A REPLY

Please enter your comment!
Please enter your name here