Ethigathano lyomukadhona dhingi monooli oliliko muDesemba

0
451

 

ONDANGWA – Ngaashi haku longekidhwa shito omumvo kehe ethigathano lyomukadhona dhingi moosikola dhomonooli yoshilongo, nonuumvo olya tengenekwa opo li ka kaleko muDesemba sho lyali lya totwa konima yoomvula 4 dha piti.

Ethigathano ndino olyali lya totwapo kuSandro Ithana mo2013, ta popi kutya enenedhiladhilo lyethigathano lyomukadhonadhingi monooli  okugandja  ompito kaakadhona mboka ye na iipewa mokukutha ombinga momathigathano ngaa ngaka, yo ya kale ya dheuka nawa, ya ka kuthombinga moo Miss Namibia oshowo Miss World koomvula dhokomeho.

Ithana okwa ti omalongekidho oge li metifa no ya thaneka ethigathano ndika li ka kale ko momasiku 17 Desemba mEkamuti mOndangwa. “ Ethigathano ndino olya egulukila kehe ngoka ena ohokwe noosikola adhihe odha tegelelwa dhi tume omukalelipo ngono taka kuthombinga, dho ta dhiyi moshihogololitho mono tamu zi oosikola 15 odho tadhi ka kutha ombinga,otatu ka kala twa gandja omahiyo mbala koosikola adhihe monooli dho dhi tse omukumo aanona mboka ya hala okukutha ombinga, noosikola ndho dha adha iitsa mbyoka ya pumbiwa otadhi ka talika,” Ithana tati.

Okwa thaanekwa opo muAguste ku kale esiku lyowina mono aakadhona mboka ya nuka mo opo ya ka kuthe ombinga methigathano, ya ka kale taya  ulikwa moondoolopa dhomonooli, yo taya thaanekwa nokutalelapo omahala gi ili nogi ili. Ithana okwa ti oyena woo omathaneko omanene opo ya kwathe aakadhona mboka ye na ehalo lyokukutha ombinga momathigathano ngoka, yo ye ya tse omukumo.

Pethimbo ndino otaya kongo woo mboka taya vulu okukwathela nokugandja omayambidhidho opo ethigathano lyomukadhonadhingi li ka ende nawa pehulilo lyomumvo.

Ethigathano ndino ohali ningwa aluhe mokati komumvo ashike Ithana otati molwomatompelo gontumba oyali yeshi undulile kuDesemba sho shika ende nawa. Omumvo gwaziko Esther Shifotoka oye ali a zalekwa oshishani shomukadhona dhingi monooli.

 

 

LEAVE A REPLY

Please enter your comment!
Please enter your name here