Eyapulo lyongeleka Eheke

0
414

EHEKE – Omumbisofi gwoshikandjongerki shUuninginino mOngerka Onkwaevangeli paLutheli moNamibia Omundohotola Veikko Munyika Osoondaha ya ziko okwa yapula etungo epe lyongeleka yaHeke.

Aakwanegongalo oya li ye ya momwaalu omunene noku ulika enyanyu lyawo , sho taya tyapula iiyimati yiilonga yawo mokutala sho etungo lyongelka ompe megongalo lyawo ta yi yapulilwa iilonga.

Egongalo Eheke olina iilyo tayi ihilile po11 450.00 nolya totwapo kOmusita omukokoli, Johannes Ekandjo. Pethimbo ndyoka otaku hokololwa kutya Ekandjo okwali a totopo osinagoga mo 1954, nolya ningi egongalo mo1957 mono lye ende tali koko sigo ya dhiladhila opo ya tunghe ongerka onene mono tamu kala tamu gwana iilyo ayihe.

Kuku Martha Nuukongo ngono eli omukuluntu gongalo megongalo lyaHeke pethimbo ta lesha ondjokonona yegongalo okwa ti ongeleka yawo yotango oyali yeyi tungu noondhopi dheloya, ta ti ongeleka yaHeke oyo yotango mOndonga ya tungwa niipeleki. “Ondjuulukwe nohokwe yokutunga ongeleka ompe mEheke oyali ya yagumwa tango mo 2000, limwe lyomOsoondaha otwali tuna elongelokalunga mono mwali omashasho ongeleka oyali yu udha noonkondo, naantu yamwe sho ya kwatwa kuupyu oya kambuka,” Nuukongo ta ti.

Shino osho shimwe sha li sha thiminike aaHeke ya tunge ongeleka ompe mono tamu kala tamu gwana aakwanegongalo ayehe. Omwaalu gwaakwanegongalo nagwo ogwa tameke tagu indjipala, oshoka olundji ngele puna iituthi nenge pethimbo lyomatango omanene aakwanegongalo ihaya gwanamo mwaandjoka onkulu nolundji ohaya uvile pondje oshoka mongeleka itaya gwanamo, naakwanegongalo ka yali haya tsu oongolo.

Omusita gwegongalo Eheke Joseph Shikuma okwali a yelitha kutya oyali ta tameke okutunga ongeleka yawo ndjika, nomolwa omananathano pokati mpoka iilonga yetungo oyali ya mwenapo kashona noya ka tameka ishewe, Shikuma tati aakwanegongalo oyali ya ulike eitulomo enene metungo lyongeleka yawo ndjoka ompe. Oyali ya thikamitha etungo lyawo mekwathelo lyaanangeshefa mboka yi imanga kumwe mokutunga oongeleka.

Shikuma okwa gwedhapo kutya ongeleka ndjika opo yi thikamepo yapwa oshali sheya pula oshimaliwa shoomiliona 3.5, nopethimbo ndino ongeleka oyapwa thilu naakwanegongalo oya tameka oku uvilamo omalongelokalunga nawa.

Omundohotola Munyika pethimbo ta langeke ongeleka ndjika ompe okwa pandula aakwanegongalo yEheke nakehe ngoka a ningi tashi vulika opo ya thikamithepo ongeleka ndjoka tayi gwanene iilyo ayihe. Ta indile aantu ya longele Kalunga  muuyuuki nomuuyapuki.

Ongundu dhomalwiimbo dhaza komagongalo ga yooloka odhali dha gongala nokumwenyeka oshituthilangeko shika. Poshituthilangeko opwali pwa kalwa kOminista yekandulepo lyoluhepo, Omubishopi  Zephania Kameeta nomupevi gwe Aino Kapewangolo oshowo Minista Pendukeni Ivula-Ithana..nOmbisofi omukuluntu mongerki yaELCIN Omundohotola  Shekutamba V V Nambala.

LEAVE A REPLY

Please enter your comment!
Please enter your name here