Mambo’s ota ti oudano weengonyo owa enda nawa

0
321

 

LÜDERITZ – Omuxwaxwameki woMambo 5 Boxing Promotion mo Lüderitz okwa tumbula kutya okwa hafela ova deulwa ovadengingonyo veli vane ovo vakufa ombinga moudano waliko exuliloshivike ladjako.

Gideon Amaambo “Mambo’s Kochemba” kwali aya pamwe nova dengingonyo vaka kufe ombinga oshikando shotete moudano weengonyo oo wali ko doolopa ya Helao Nafidi moshitopolwa shaHangwena.

Mambo’s okwa tumbula kutya okwali aya novamati vanhe ovo opo ashike va totopo o Mambo 5 Boxing Promotion mu Septemba 2015. Ovalumenhu vatatu vomuvo oveshi endifa nawa koudano weengonyo, nokwa ulika ehafo laye kutya ovamati ovali tava denge eengonyo taditopa.

Kakele ka umwe auke Abraham Angula Mbwalala oo ine shi endifa nawa, Mambo’s okwa tumbula kutya okuna elineekelo kutya moshikando tashika landula otaka kala eshi endifa nawa ngaashi vakwao veli vatatu ovo veshi endifa nawa.

Mambo’s okwa pandula unene omunangeshefa womo Lüderitz, Simon Negumbo, oo eva yambidida opo vadule okudja mo Lüderitz moshitopolwa sha //Karas  nokuya ko Helao Nafidi koshitopolwa sha Hangwena.

Mambo’s okwa indila ovanageshefa vomoshitopolwa sha //Karas vayambidide o Mambo 5 Boxing Promotion, va dule okuya komesho nokudeula ovanyasha ovo vena ohokwe nounyakwa wokudenga eengonyo moshitopolwa.

LEAVE A REPLY

Please enter your comment!
Please enter your name here