OmuChina a pewa epya momukunda

0
455

 

OMAKUKU-Kansela gwoshikandjohogololo shaOutapi ina panda nande omola aakwashigwana yaChina mboka ta ya longo iinima mbyoka ta yi vulu okulongwa unene kaakwashigwana yomoshikandjohogololo she oshowo moshilongo ashihe.

Fillemon Shikwambi okwa popi shika a ulike unene kombinga yaakwashigwana yaChina mboka ta ya longo omapungu oshowo iikwamboga moshikandjohogololo she. AaChiina mbaka oya pewa epya momukunda Omakuku popepi nOutapi.

Shikwambi okwa ti elalakano lyaaChina moNamibia okuhumitha oshigwana komeho ndele haku ninga ethigathano mokulonga iilikololwa mbyoka oku mona uuhupilo.

“Ngeno okwa li taya longitha omeya ya hupa oondama ngeno oshihwepo ashike ngashingeyi ota ya longitha omeya getu yo ota ya futu aantu yetu omathele 200 komwedhi,” Shikwambi ati ngaaka.

Shikwambi ngoka inaa nyanyukwa kombinga yaashoka okwa ti molwa Aanamibia mboka ya ninga aanyenge, ngashigeyi aaChina nena oya mona ompito yaandjuka oku longa iinima mbyoka tayi longwa nale kaakwashigwana.

Okwa ti ngashingeyi aaChina uunene mboka yeli moshikandjohogololo shOutapi oya tameka nale nokuli oku ka landa iinima kEtunda eta ye yi landitha kombiliha oku dhipaga ongeshefa yaakalimo mboka taya kambadhala oku mona omboloto yawo.

Kansela okwa ti ongeshefa yaaChina ina yi tambulwako nande uunene tuu ndjoka yo kulonga iikunino taya longitha omeya goshali.

ShoKundana a yi po poshikunino shoka shili momukunda mpoka okwali a lombwelwa kaaChina kutya ina kutha nande omathano goshikunino shika. Oya tindi wo okutya ko sha omanga ina pewa epitikilo ku ngoka anuwa eli omuhona gwawo.

Okwa li a pewa ongodhi yomuhona gwawo gwedhina Davy ngoka a tindi thiluthilu oku tyako sha. AaChina mbaka oya gandja ongodhi yaangoka taya to oye pastoli Shikuma ngoka aniwa oye mwene gwehala ndyoka tali hiilwa kaaChina mbaka.

Shikuma okwa tindi okugandja uuyelele kombinga yaashika a ti kutya opuna okaima hoka ahala oku yelitha manga inaa popya na Kundana.

Shikuma na Davy ayehe oya tindi okugandja oofani dhawo.

 

LEAVE A REPLY

Please enter your comment!
Please enter your name here