Onkalo yaMbalambala otayi ethitha oonkondo

0
529
Methano otamu monika Mbalambala a kuutumba pombete ye moshipangelo.

 

ONDANGWA – Onkalo yaMbalambala Dimbulukweni Fidelis ngoka a hupa moshiponga shoka sha ningilwe pokati kOmuthiya nOshivelo momasiku 12 ga Febuluali, ota yi etitha oonkondo.

Moshiponga moka omwali mwa sile aantu 15 na Mbalambala oye awike ali a hupumo.

Mbalambala ngoka ta mono uuhaku monaasalesa yaShakati okwa hokololwa ali eli monkalo ondhigu no ka li ta popi, okwali a kala koICU okuza momasiku 13 sigo 26 yaFebuluali hono a kuthwako sho anuwa onkalo ye ya tameke tayi etitha omukumo.

Gumwe gomaamwayina mboka yemu kalela Foibe Kahupi okwa hokolola kutya oshinima shino oshali sheya halutha noonkondo, no ka ya li ye shi ngele Mbalambala ota ka tya po hwepo oshoka sho ye ya ku ye moshipangelo ka li ta tonata nenge ta popi.

“ Esilohenda lya Kalunga enene nonena omukadhona gwetu ote etitha oonkondo no tatu shi pandulile Kalunga, ohaku ti pwali iha pupu, onkee omumwetu okwa hupithwa, moshiponga shino okupulakena omahokololo oshali oshidhigu oshoka opwa kanena oomwenyo dhaantu 15 mbono inaaya vula okudhimbululwa oshoka omalutu gawo oga pyapo, otatu halele aakwanezimo lyaayehe mboka ya kanithilemo oomwenyo dhawo oonkondo okutsikila oonkalamwenyo dhawo yaanawe aaholike yawo mboka,” Gumwe gomaakwanezimo ta ti ngaaka.

Omasiku ga zi ko Omukuutumbithi gwelelo lyaShikoto, Samuel Shivute pamwe nookansela dhe oyali ya kutha ethimbo lyawo opo ya ka talelepo Mbalambala nguka moshipangelo shaShakati moka natango eli momake goondohotola.

Shivute okwa ti yo ongelelo lyaShikoto moka omo mwa ningilwa oshiponga oya kala ye na ondjuulukwe opo ya talelepo Mbalambala ngoka a hupu moshiponga moka mwa kanena oomwenyo dhoyendji. “Otashi etitha oonkondo nokugandja omukumo oku mona onkalo ya Mbalambala ta yi ya kuuwanawa, osha kala tashi tu thiminike opo tu konge esiku tuye tu mu talelepo,” ta ti ngaaka.

Osheendo shomukuutumbithi oshali sha gandja oshimaliwa sho1 200 opo aakwanezimo yaMbalambala yi ikwathe yo taya kwatha okanona pethimbo keli mombete yako yuuwehame. Mbalambala ngoka ta kutya nenge ita dhimbulukwa shoka sha ningwapo ote ende kuye mwene ngaashingeyi, ye ota popi.

Shivute okwa pula aahingi ya hinge nuukeka yo yi iyuthe komalombwelo nokoompango dhomoondjila, pethimbo lyopaaasa oshowo ethimbo alihe taya hingi moondjila adhihe dhoshilongo oonene naandhoka ooshona.

Ookansela moshitopolwa Oshikoto pethimbo yali ya talelepo Mbalambala, na Mbalambala ota monika eli methano moka mohema ontokele ya mangwa okanima okaluudhe.
Ookansela moshitopolwa Oshikoto pethimbo yali ya talelepo Mbalambala, na Mbalambala ota monika eli methano moka mohema ontokele ya mangwa okanima okaluudhe.

LEAVE A REPLY

Please enter your comment!
Please enter your name here