Otashi dulika oshitukulwa shaZambezi shika hangwe kefundja

0
258

 

Oshikondo shoHydrological Services Namibia osho shi lile po ounongononi womeva osha tengeneka kutya ota shi dulika ondjele yomeva mOshitukulwa shaZambezi i ka lunde pombada noku kungulula omalukalwa ovanhu.

Momushangwa oo wa pitifwa oshikondo eshi, okwa kunghililwa opo oikondo oyo hai ungaunga neemhumbwe domeendelelo hadi holoka po ina shi teelelwa opo i li longekidile efundja koZambezi. Ovanamikunda ovo veli peenhele opo hapa dengwa shito kefundja navo yo ova kumaidwa opo ve li longekide nova kale va angala, pamwe efundja ota li ya.

Oshikondo eshi osha yandja ondjele yomeva koshitukulwa shokomulonga wa Zambezi yali peemeta 5.31 mEtivali la dja ko. Evalulo eli ota li ulike ondodo yomeva koshitukulwa oko ya londa popanda hanga lwoikando ivali, oku yelakanifa nodula ya djako eshi ya li ashike peemeta 2.72.

Koshitukulwa sha Kavango ondjele yomeva nako oya lunda yoo pombada oku yeleka neemeta 6.65 dodula ya djako pefimbo ngaali, neemeta 7.25 dEtivali loshivike eshi.

Nonande omeva eli tumba pombada ngaha, osha yelekwa yoo kutya, ondjele yomeva oyo ina i nyika oshiponga natango, novanhu ina va pumbwa okungwangwana, ashike nave li longekide.

Otaku hokololwa kutya ekunguluko nelundo pombada lomeva ola etwa komuloka muwa wa yakulwa moshitukulwa. Ashike pefimbo olopota oyo ya nyolwa kapali nande pa lopotwa omuloka nande-nande moshilongo ashishe.

Omeva otaakungulula ashike koZambezi ashike oitukulwa ikwao ina ku lopotwa omeva taa kunguluka.

 

LEAVE A REPLY

Please enter your comment!
Please enter your name here