A tungilwa egumbo ewaanawa kepangolo

0
432
Egumbo lyaMateus ekulu moka aadhika ha zi sho iitsuwa ku Kansela Shiimi omathimbo gapiti. Egumbo moka Mateus a tegelela okudhilukila uuna ndika lya pu okutungwa. Okwe li tungilwa kUuministeli wOonakulwa aakulu molwashoka okwa kondja pethimbo lyiita yekondjelomanguluko lyaNamibia nonando kombanda yoongamba ina lyatako nompadhi.

OKAPETO-Omulumentu omukokele ngoka a kala moluhepo ethimbo ele okwa mono egumbo oshitopolwa shaangoka haga gandjwa koonakulwa aakulu okupitila Muuministeli wawo.

Egumbo ndyoka natango otali tungwa lili ashike pooha dhegumbo lye ndyoka lyoshiwambo moka a kala ta lala ngashingeyi.

Nakulwa nguka ogumwe gwomoonakulwa aakulu aashona yowala mboka ya kondjela meni lyoshilongo .

Agustus Mateus ngoka ali e shiwike nawa nedhina Lasia Mateus (Aluta) pethimbo lyiita okwa ti ngashingeyi okwa paluka nota fudha nawa oshoka okuna iiyemo ye yo komwedhi mbyoka hayi ziilile kombelewa yoonakulwa aakulu.

Egumbo ndika lyongushu olina omala gokulala geli gatatu, ondunda yokukuutumba, okandjugo noshowo okaiyogelo.

Olya tulwa woo oomamboolota mombanda, olusheno nomeya.

Mateus okuli omutiyali okumona egumbo ndika moshikandjohogololo shaElim oku ziilila Muuministeli mbuka watotelwapo iinima yoonakulwa aakulu.

Mateus okuli pomukunda Okapeto moshikandjohololo sha Elim moshitopolwa shaMusati.

Okwa hokololwa kutya sho Mateus ali itsuwa ku Kansela gwoshikandjohogololo shoka Gerard Shiimi kali eli monkalo tayi etitha oonkondo ye ka kwali ena nando oshikutu.

Kansela okwa ti okwali a kutha onkatu opo emu landele iikutu yopokati kaantu opo a vule okumu fala koombelewa aka mone uuwanawa ngaashi oonakulwa aakulu taya mono.

“ Ngashingeyi ondili nawa olutu lwandje olwa paluka, nale kwali to tala ndje oshili aaye. Olupandu olunene otandi lu gandja ku Kansela gwetu Shiimi. Oshoka onda kala ethimbo ele te mono iihuna,” Mateus ati ngaaka.

Mateus ngoka woo ali a iimbileko Kundana omaimbilo ngoka gali haga imbwa kaa kwiita pethimbo lyiita okwa ti ye oku uvite uuntsa sho a tumbalekwa molwiilonga mbyoka a longo pethimbo lyekondjelo manguluko.

Kundana sho a yi momegumbo lya Mateus okwa adha a tulapo ombiga yolwishi nonyama , ta ti nale olwishi kali elushi nande okwa kala ashike helu mono moositola moka ali ha ende.

Okwati mondunda ye ndjoka a tungilwaa ota yi mo nethimbo.

Okwa hokololele woo Kundana kutya okwa li a uvithwa nayi kaakalimo yomomukunda gwe mboka ya hongolola omukulukadhi gwe ete mu thigipoi. Okwa ti shika oshali shemu piyaganeke noonkondo.

 

 

LEAVE A REPLY

Please enter your comment!
Please enter your name here