Aagundjuka mOshikoto ta ya kondjitha okwaahena iilonga

0
235

 

OSHIVELO – Olutu lwaagundjuka moshitopolwa shaShikoto ndoka luli kohi yehangano lyoNational Youth Council, otalu longo moku yambulapo onkalamwenyo yaagundjuka, opo mbaka yi ikongele iilonga yoyene.

Omukwatakanithi gwaagundjuka mOshikoto Hofni Hamunyela okwali a popi ndhika oshiwike sha piti sho ali a kundathanwa naye koshifo shika. Hamunyela okwa ti nande oya taalela eshongo enene lyokwaahena iilonga maagundjuka, ota ya longo yaana ezimbuko opo ya kandulepo eshongo ndika opo omugundjuka kehe a kale ena iilonga opo ya vule ta vulu okwiikwatha yoyene .

“Omvula ya ziko otwali twa tulapo omathaaneko opo tu totepo oshikunino mono tamu kala mwa kunwa iiyimati iikwamboga nakehe shoka hashi liwa nenge hashi eta iiyimati iiwanawa pehulil. Omadhiladhilo ngaka oga endele nawa  notwa  mona ehala ndyoka,” Hamunyela.

Hamunyela ota ti oyali ya pewa ehala li na uunene woohekita 8, omvula ya ziko nokuli opaleka alihe oshowo okuli tula olugumbo lwondhalate lyo li kale lya gamenwa, oya tulamo omeya nokutungamo ehala lyompungulilo manga ta ya gwedhapo omatungo galwe.

“Gamwe gomomalalakano getu opo tu totepo oshikunino shika otwa hala tu kandulepo onkalo yokwaana iilonga mokati kaagundjuka, tse tu mune nokulonga ayihe tatu vulu okulonga, shoka tatu teyamo tushi landithe tse tatu monomo iiyemo. Otwi itaala kutya shika otashi etele aagundjuka uuwanawa noshowo aantu yopomudhingoloko nguka, oshoka koomvula dhokomeho otashi ka gandja iilonga kaantu oyendji mboka ta ya kala taya longomo,” Hamunyela ta gwedhapo.

Oshikunino shika otashi adhika momudhingoloko gwOshivelo moshikandjohogololo Nehale lyaMpingana. Nuumvo oya kambadhala ngaashi tashi vulika no ya kunumo omahangu,omapungu,omanuwa ,omanyangwa,omatama, oondungu nayilwe. Oshikunino shino osha li sha kunwa kaagundjuka mboka yi iyamba omolwetameko.

Hamunyela ta gwedhapo kutya shino otashi kwathele opo ya gwedhe keliko lyoshilongo, yo ya landithe kwaamboka itaa ya vulu okulonga iikwamboga niiyimati. Ta ti nonade yali ya pulula kwatokelwa omolwonkalo yompumbwe yomambakumbaku moshitopolwa okutala nkene iimeno ya mena otashi etitha oonkondo nomukumo omwaanawa.

“Ngaashi oomvula ndhino twa taalela oshikukuta miimuna iihenguti mbyoka ngele ya kukuta otayi vulu okupewa iimuna yo yi lye, otuna ethaneko opo tu gandje iilonga kaagundjuka 15 manga, yo ya kale taya kwathele moshikunino shetu yo taya imonene sha, taya kala taya longo pethimbo lyomvula sigo aantu sho taya mana okuteya, otuna edhiladhilo tu kale tatu  ningi omagadhi goonyushi tse tu kale tu na po oondjuhwa,” Ta tsikileko ngaaka.

Omolwa omashongo gomalukalwa mOshivelo otaya kambadhala opo ya tungepo omahala gokukala gaagundjuka mboka taya kala taya longo moshikunino shoka. Ko koshikandjohogololo kehe ta ku zi omugundjuka a kale ta longo moshikunino.

LEAVE A REPLY

Please enter your comment!
Please enter your name here