Efimano lokudjala eelinga kominwe olashike hano?

0
583

Efimbo limwe ovaAfrica otwa ningililwamo kova Europa, molwaashi konima eshi ve ya moilongo yetu, ova tameka tave tu kufa oininima yomifyuululwakalo detu ndele tave tu longo oinima yavo ei va kala hava ningi koilongo yavo.

Moilongo ya Africa omuna oilongo imwe ili mokati kaikwao ina ovanhu vena omahopaenena. Shimwe shomoilongo ina ovanhu ve hole okuuda nokatale konawa, oNamibia.

Vanamibia ondi hole okumu pukulula, ashike ngeenge handi mu lombwele ita shiti aame katokote mokushiiva oikwalukeshe, ndele ohandi kala ashike andi mu londwele osheshi efimbo limwe ohatu wile ashike momake a puka.

Embudi momilele nookalyamupombo meembete, otava hombolafana ndele tava djala oikushu noingoli oyo twa etelwa kovatilyane. Heeno oshili, oshi li mondjila ovanhu nava djale eelinga kominwe opo ku limonikile kutya nakudjala olinga komunwe okuna mwene.

Opo ne ndi tye ova Namibia ove hole okuhopenena, oikushu yomeefingo noulinga vokominwe ndi shi twe shilongwa ne kovatilyane, molwaashi ngeenge ova Africa nale tava hombolafana ilo tava putulafana, ka kwali hava djala oingoli molwaashi kayaliko.

Oshike kwali hashi monikifa omulumenhu wonhumba una ngeenge taende opo kutya ou mutu omuhomboli, mboli ilo tu tye okuna mwene hano?

Okwa li haku longifwa omidjalo dokomalutu ngaashi ombede oshikafa shombabi shashikwa osho kwali hashidjalwa kovashamane ava vena omaumbo ilo tu tye vena ovakulukadi, ndele ombede yombabi ihaidjalwa nande kovamati, ovamati okwali hava djala ombede ya mundja oshikafa shashikwa opo ne pali eyooloko opo.

 

Oshike kwa li hashi monikifa meme wonhumba una ngeenge taende poima kutya ou mboli omuhombolwa ilo okuna mwene?

oshinima osho hashuufanwa taku ti oshiteta shokundjala koomeme nasho hashikufwa moipa yoifitukuti, oshiteta sha nakuhombolwa meme, okwali hashikala shadjalwa shakwata konima nokomesho, omanga oshiteta shomukainhu oo ehena mwene, okwali ashike okateta kashona kashikwa ashike haka tuvikile komesho yomukadona  oo opuo.

Po opo nee pali eyooloko, lovahomboli naava inahombolwa opo shiwana.

Mefimbo ne lopaife ngeenge hatutale kombinga yovahombolwa novahomboli ngeenge tashiya koinima ei twa etelwa kovatilyane, opo ne umone omunhu ngeenge taende opo kutya okuna nale mwene, ongeenge ne adjala olinga mboli komunwe wokolumosho.

Taa! ovatilyane ovetweetela ava ne mboli vakwe, pwilikina utale nawa uta, mboli ominwe doye adishe dili 4 dokolumosho, odina kutya ngeenge owadjalako olinga otashiti shike, ashike ova Europa ava vetu longa okudjala oikushu noingoli inave tulonga po ne opo.

Okuna omunwe woye umwe wokolumosho tauti ngeenge owadjalako olinga otashiti ove omuhomboli ilo omuhombolwa, natango omunwe woye umwe wokolumosho vati ngeenge owadjalako olinga otashiti ove oto kongo kuna mwene hano.

Natango omunwe woye umwe wokolumosho ngeenge owadjalako olinga, vati otashiti ove owafilwa, natango omunwe woye umwe wokolumosho vati ngeenge owadjalako olinga vati otashiti, ove owa hengwa ilo owahengana.

Ndishi omwa didilika ngoo nawa, eelinga edi odaeta ne oupyakadi, molwaashi ava vahombola shili ilo vahombolwa shili kave hole okudjala eelinga kominwe davo, vo ava inava hombolafana tava djala eelinga oipupulu kominwe davo.

Vamwe tava tameke nokuli noku di djala kominwe odo dapuka molwaashi shotete okuhashiiva oukwatya wokudjala eelinga kominwe otauti naanaa shike ashike okuhole oufuuli kwova Namibia okweva manenepo efimbo opo velilonge nokupula omauyelele.

Otwa kundana ovalumenhu ovahomboli ovo naana kaave hole okudjala eelinga kominwe, ashike ngeenge oweva ongele poima ndele to va pula kutya oupyakadi owa shike naana, omalipopilo avo ka ena omakanghameno tashi ulike kutya opena ngo oumbudi uli koshi.

Nonatango ovakulukadi ava va hombolwa shili, ngeenge omukalimo wokOshakati, ndele tomu hange aka talelapo ko  Swakopmunda oye ayeka hano pehena omulumenhu waye, olinga ya ye ohaikala mokandjato ya patelwamo, ashike ohaika mona omito yokudjalwa efiku ta shuna keumbo.

Ovanamwenyo aveshe ava oinima ei ohave iningile shike mbela oshili?

Ovanamibia oshili omuna oumbudi wa konghola ta, shotete omulishi oineya, nye inamu ka fikola ne oineya oshitivali omuliholele pombada nye mu he shi okulonda , osho mu wete hashi ke mu twalifa nafiyo tamu wile momalambo eembila.

Nandi shi fatulule nawa kondada lunde,ovashamane ovahomboli ava veli komaonda, ndele ovakulukandi vavo ohava pange kOwambo, mboli vati eelinga davo ohadi ka djalelwa ngeenge tava piti oshivelo shaNamutune.

Omanga ovakulukandi ovahombolwa ava hava pange kOwambo ndele ovashamane vavo ohava kala koushimba, eelinga davo ohadidjalwa efiku ovashamane va denga ongodi tavati oveli mondjila otave ya kOwambo nena.

Taa! ovalihomboli ava kavena shili ava, omunhu oto hala vali okutya omadidiliko oidjalomwa oo aliko nale kwali aaulike ovalihomboli kutya ovava okwali vali eli nawa, shidulife oulinga ava hava xukulwako ndele tava tulwa meendjato.

Omukainhu umwe nda  kundafana  naye  keena omushamane ota ti, she ohashi tu ningile shipu okuya novashamane vovanhu momilele, osheshi ovashamane ava ngeenge atu shakene navo ihapa kala pena omadidiliko aa taa ulike kutya ovahomboli, onghee nee molwaashi nashe otwahala ovalumenhu ohatukala ngo hatuti napamwe ava kavena oovene.

Ngaashi ame ou handipopi, onda ninga eedula 6 twa otekafana nomushamane umwe moMbaye omu, ndele naimboli ou  okuna omukulukandi waye neumbo laye kOwambo, paife tate YA TUYENI olye ena epuko opo, aame ilo omushamane?

Ashike kombinga yange omushamane okushi ngoo kutya kandina omushamane umwe, ashike ye mboli okuna ngo eelinga daye dili mondjato hedidjala lwanima ngeenge ta fiyepo Ombaye tai kOwambo.

Ohandi dimbuluka nokuli oshikando shimwe manga kwali ndina okaana kashona taka nyamu, okwali a udanekelange ta lombwelenge tati ohatu ningi ne tuka hombole kOwambo wani, okwali ne ndahafa ashike okutonga oshili inandi ka mona eendaka edi apa da kanene, naimboli omushamane owovanhu ashike ndili naye.

Pwilikina ne vali koikumwifalonga, tatekulu Kambidi ka Hamukwaya ye ota nyenyeta tati ngaha, onda handuka unene eshi nda futifwa oukodi vati onda nangala nomukulukadi wovanhu meumbo lovanhu noxo vali.

Ashike ame omukulukandi winya otwa shakena pobar yomalodu Olomakaya lonhumba, kwali atu shake atushe naye hatu danisha tulikwete meembuda, naye kwali ngo ekwetenge eshi atu danisha, oshitivali onda kala handi mu landele omalodu ange, oshititatu ame ka kwali ndishi ngeenge okwa hombolwa molwaashi ka kwali a djala olinga komunwe.

Ashike oshili oshaudifange nai, molwaashi ondapewa ndifute eengobe doukodi, omanga omukulukandi naye okwakala telixwaaxwa mwaame oshili okwali ndishi kena mwene unene tu eshi nda tala kokundanisha kwaye naashi ina djala olinga komunwene.

Tatekulu Ya TUYENI oshili paife nandi ku pule nee, olyelye ena epuko opo, aame ilo omukulukadi ame okwali ngo andi shingi oishinga yange ngeno pamwe adjalele olinga komunwe ngeno napamwe ndemu kala ngo kokule paife okwa tulange ashike moshiponga kwali inandi shi teelela.

Va Namibia efimbo limwe onde mu lombwelele ngo handi ti, omuhole okulanda eenghambe naadi dihena oitomuo nokonima nye nge mwauko tamu ka tya kakwali mwakwatelela nawa, mehokololo eli otaliulike naana kutya moshilongo shetu omuyadi oineya yomoikumbafa.

 

NB: Omadiladilo nomushangelo moshipopiwa eshi oomushangi yeemwene ndele kae shi a Kundana.

JOHN YA TUYENI

MRTUYENI76@GMAILA

LEAVE A REPLY

Please enter your comment!
Please enter your name here