Harambee oku li putse

0
312

Omupersidente Hage Geingob okwa gandja oshikalimo shomathaneko go Harambee goku etapo uuhupilo wuli nawa, ongondjila ndjoka tayi fala oshilongo  kevi lyeuvaneko moka tamu kala omahupilo  ge li nawa.

Omathaneko ngaka omuperesidente okwe ga holola moshipopiwa she shokomumvo tashi talulula  nkene oshilongo sheende okuza omvo gwayi osigo onuumvo. Ethaneko ndika lyOmuperesidende olya ngongeka kutya ngaaka iilyo yoongundu dhompilameno nadho odha taambako ndika dhaana okungungutula ngaashi hadhi shiningi olundji.

Oongundu ndhika odha li momukweyo okupupula  Peresidente Geingob kombunda omolwomathaneko ga Harambee nodhindji odha ti odhi ilongekidha okulongela kumwe  naye mondjila ndjika okwaadha omalalakano ngaka.

Geingob pamwe nongundu ye oya etapo omushangwa gomapandja 84 ngoka tagu ndjandjukununa nkene ngaka taga ka longa  opo ga dhipage nokufumvika oluhepo nuuthigona sigo aluhe.

Oonkundathana odhindji moparliamende konima shOmuperesidende a tula ethaneko lye poshitaafula odha landulako .Sho aawiliki yoongundu dhompilameno ya mono ompito  okupula omapulo ogendji godheka omathaneko gOmutse goshilongo.

Geingob okwa fatulula kutya ethaneko ndika itali pingenepo  omathaneko geyokomeho lyoshigwana ndele ogena ashike elalakano okupa omukwashigwana kehe  a mone omayakulo gesiku kehe opo ya kale monkalamwenyo yi li nawa.

Elelelo lya Geingob otali gwanithilepo omuNamibia kehe oompumbwe dhe nomokuninga ngaaka ayehe otaya kala monkalo yuuwanawa noku longitha oontseyo dhawo okwiikutha moluhepo.

Ethaneko  ndika Omutse goshilongo ogwi itaala kutya shampa lyaadha omalakano galyo itapa ka kala nando omuntu ta si kondjala muka , oshikwawo oyendji otaya kala nomayakulo gesiku kehe geli nawa kutya nee elongo lyongushu lyaana, yawo nenge uundjolowele nuukalinawa wawo yene oshowo iiyemo itaayi hulupo mbyoka taya longitha okwiikongela iipumbiwa yawo monkalamwenyo.

‘Aanamibia oyendji oye na etegameno  oshoka oye wete  uuyelele  konima yomilema”osho Geingob uudha einekelo a popi. Okwa ti ethaneko ndika olyopakathimbo tali lalakanene opo twaadhe  eyokomeho okushonopeka  oluhepo  noku endeleleka ehumokomeho.’

Omathaneko oga thikama koongudhi ntano, kokutya okuwilika nawa, egandjo  lyomayakulo, efalokomeho lyomahupilo, edhikpo lyiiyalo oshowo omakwathano gopaigwana  nelongelokumwe”

Omutse gwoshilongo ogwa itaala kutya oshizemo shethaneko ndika otashi fala mokulonga nawa puuyelele oshowo okulonga nawa moku shonopeka oshowo okukandulapo oluhepo nokudhikapo omanongelo omawanawa guungomba.

Iizemo iikwawo oyo oku etapo ombepo yuunangeshefa mbyoka tayi fala meindjipalo lyeyokomeho pangeshefa mokati kaagundjuka, mboka taya longo iilongomwa  yongushu mbyoka tayi longithwa kaantu oshowo kaanangeshefa megumbo nokiilongo yopondje.

Omathaneko otaga ka etapo wo omayalulo mokati koshigwana nkene shika shuuvite nawa  okutya sha kombinga yetulo miilonga lyomathaneko agehe ngaka..

“ Otatu tsikile nokunkondopeka  onkalo yelongitho lyiimaliwa okukalekapo  eithikameno mewiliko lyomahupilo nelongitho shoshimaliwa lyetu, oshowo okutungapo egameno oku igamena  komapiyagano ngoka haga holoka momahupilo muuyuni omalupita”.

Opo tu shonopeke oongunga dhoshilongo okudhi eta pevi lyoopelesenda 30 dhiilikolomwa moshilongo otatu ka etapo omikalo noonkatu  dhina sha  nelongitho lyoshimaliwa. Oshikwawo ethaneko ndika otali nenepeke omwaalu gwaafuti  yiifendela gu kwatelelmo noongeshefa ndhoka inaadhi ndhindhilikwa natango no hadhi longo pondje yomahupilo gopambelewa.

Oongudhi ooshona dhomathaneko ngaka oondhoka dhokunenepeka iikwafabulika moshilongo moku longa opo oshilongo shikale hashi gwedhako ongushu kiilongomwa yasho, nelalakano oku humitha komeho ekoko lyomahupilo tali tamekele megumbo.

Kombinga yokukokeka oongeshefa dhaagundjuka okudhikapo dhivule 121 otatu ka mangela kumwe omahangano ngoka ha ga gandja omakwatho pashimaliwa kwaambaka otaga ningi limwe  tali ithanwa Ehangano lyokuyambulapo oongeshefa dhaagundjuka ndyoka tali kala lyoodheka okupa aagundjuka omakwatho gopashimaliwa uuna taya tameke oongeshefa dhawo.

Okwa ti wo oholomende otayi kalekepo omakwatho gopampumbwe mokukondjitha  ondjala noluhepo oku ga gandja uuna ndoka ngaka ga pumbiwa.

LEAVE A REPLY

Please enter your comment!
Please enter your name here