Harambee  ondjila  yuuhupilo uuwanawa kwaayehe

0
285

Omathaneko guuhupilo uuwanawa waayehe gaNamibia go Harambee ogo shili ondjila ndjoka tayi fala Evi lyOmapenda okwaadha ethikilo  okukala pomuthika gwoshilongo shina omahupilo ga hokiwa koyendji muAfrica okuya pomumvo 2020. Otashi uvitha nawa  okukala tuna ondjila ndjoka tayi wilike Omuperesidente Hage Geingob, noKabinete okukwatelakomeho oshilongo moku shi fala kuuhupilo uuwanawa kwaayehe.

Ngaka omathaneko noondjodhi oonene dhina iilalakanenwa mbyoka yi na oku adhika  ngaashi etungo lyomagumbo omape omayovi 20,000 oshilongo ashihe, okutunga uundjugo komikunda wuli omayovi 50 000 muule womimvo ne. Oshowo okukwashilipaleka kutya opena oongeshefa 121 oompe dhili miikaha  yaagundjuka yokomikunda okuya pomumvo 2020, oshikwawo omathaneko oga hala Namibia a kale nomahupilo ge li nawa menenevi Africa momumvo 2020, nokushonopeka oongunga dhoshilongo ongopelesenda yilikolomwa yasho oku dheeta pevi lyoopelesenda omilongo ndatu.

Otashi vulika kuyele unene okupula nkene ayihe mbika ta yi adhika nokutulwa miilonga, ndele  otashi nyanyudha okutseya kutya  elalakano lyomathaneko ngaka  olyo okuhulithapo oluhepo nuuthigona, okuetapo oompito dhiilonga unene tuu mokati kaagundjuka. Elalakano okutula Namibia komeho gaashiinda ye oshowo komeho gomahewa ge moshitopolwa sho Sadc ngele tashiya mokuhulithapo omuthika gwoluhepo oshowo oku etapo oompito dhiilonga yaagundjuka..

Namibia ite shi enditha nawa molwashoka ondjele yokwaana iilonga ye oya thikama poopelesenda 28,1 dhoshigwana shoomilliona 2,2. Keli nawa okuyeleka naashiinda ngaashi Zambia  moka okwaana iilonga kuli ashike oopelesedna 7,4 shoshigwana shoomilliona dhaantu 15,45.Omanga okwaana iilonga moBotswana okwo ashike oopelesenda 19,8 dhoshigwana shaakalimo oomilliona 2,3.

Omathaneko ngaka oku ga tula miilonga ota ga ti oshilongo uuna she ga adha  itamu si we omuntu kondjala, oshigwana otashi kala shina omagumbo gokukala geli hwepo oshowo otashi kala shina omayakulo ngoka shapumbwa geli nawa, ngaashi omeya ga yogoka, elongo lyongushu, uundjolowele wesiku kehe oshowo iiyemo mbyoka tayi kalapo aluhe opo omukwashigwana kehe a kale ta vulu okulanda iipumbiwa ye yonkalamwenyo yesiku kehe.

Nonando omuthika gwoluhepo moshilongo ogwa shuna pevi pokati komimvo 2001 nomimvo 2011, onkalo yoluhepo moshigwana oyi li natango pombanda  noopelesenda 26,9.

Mo Botswana ondjele yoluhepo oya thikama poopelesenda 19.3 omanga moZambia oluhepo olwa shuna pevi  uule womimvo omulongo dhapiti.  Iiningwanima yoluhepo moNamibia unene tuu komikunda  nokuushayi  miitopolwa yokolundume oya thikama poopelesenda 37,4 okuyeleka nomuthika gwoluhepo miilando ngoka guli poopelesenda 14,6.

Oshikwawo Botswana okuna ashike oopelesenda 8.4 dhoshigwana momikunda osho  shi li moluhepo okuyeleka noopelesenda 2,7 dhaakwanaluhepo miilando.Mo Zambia mboka ya hepelela momikunda oopelesenda 57,7 omanga miilando oyeli oopelesenda 13.1.

Onkundana ombwaanawa kaagundjuka ihaa ya longo oondjika kutya mbaka otaya mono iilonga yontumba oshowo iiyemo yoludhi lwasha  uuna mbaka ya longo miinyangadhalwa  ya yooloka tayi lalakanene okuhulithapo oluhepo. Iinakugwanithwa ngaashi okuwilika oompungulilo dhiikulya oshowo okukala aalangeli naagameni momikunda nomomidhiingolok dhawo.Aagundjuka yaana iilonga otaya ka pewa wo oshinakugwanithwa shoku tunga uundjugo oonkambadhala ta yi lalakanene okuhulithapo oluhepo komikunda oshowo okwaana iilonga mokati kaagundjuka yokomikunda noku etapo onkalo yuuyogki oshowo okupendutha iinyangadhalwa yomahupilo momahala ngoka.

Shoka sha tegelelwa okuningwa kaagundjuka osho okulonga neitulemo okukwatha Peresidente Geingob okuhulithapo oluhepo noku  etapo Namibia lyuuhupilo wuli nawa kwaayehe okuya pomumvo 2020.

Mboka yena oshindji  oya pumbwa okutopola naamboka  yena oshishona mombepo yuuntu mokundhindhilika kutya aaNamibia ooyakwawo  oya pumbwa ekwatho  oku imonena oompumbwe dhesiku kehe.Ngashingeyi kali shi ethimbo okutala kolwaala lwoshipa nenge okuulikathana ominwe nokupaathana uusama. Kashina mbudhi kutya ngoye omutokele , omuluudhe , waziza nenge pamwe omushunga, shampa ashike wuli megumbo eNamibia oshinakugwanithwa shika oshi li komapepe goye wo. Oshinakugwanithwa shetweni atuhe okukalekapo oshowo okukwathela moompumbwe dhopankalathano dhaaNamibia ooyakwetu .Oshoka kapena ngoka teshi tu ningile.

 

LEAVE A REPLY

Please enter your comment!
Please enter your name here