Iikandjohogololo na yi pewe oshimaliwa shomaudhano -Mbidi

0
285
Osipana yomanyakwa mekopi lyo The Namibian Newpaper Cup 2016 yaShana pethimbo yali yapulakena etumwalaka lyOmuperesitende gwo Namibia Football Association Frans Mbidi.

OSHAKATI-Pethimbo a popitha osipana yaamati yokohi yomimvo 20 ndjoka ya sindana po ekopi lyoThe Namibian, Omuperesitende gwo NFA okwa thaneke kutya iikandjohogololo ayihe ando na yi pewe oshimaliwa sho ku humitha komeho omaudhano.

Frans Mbidi okwa ti ethimbo olya thika opo oshilongo shi yambulepo onakuyiwa yomaudhano oshoka shika ota shi vulu okukwathela mehumo komeho lyasho noku kandulapo wo omukundu gwokwaahena iilonga.

Mbidi oku uvite kutya ngele oshikandjo kehe osha pewa oshimaliwa shomapendulepo guudhano nena shika ota shi ka kwathela moku holola iitalenti muunona manga uushona natango.Okwi itaala kutya nguka ogo ashike omukalo omupu okudheula omanyakwa gokomongula.

Omuwiliki gwOlutu oluwiliki lwetanga lyokoompadhi mEvi lyOmapenda [NFA] Namibia Football Association ]okwa ti omaudhano ota ga vulu oku kwathela mekoko lyeliko lyoshilongo. Shika ota shi vulika ngele aadhani oya tameke ta ya dhana mooliha dhopondje yoshilongo nena ota ya ka etamo iimaliwa yopondje yoshilongo oyindji, naashika ota shi nkondopaleka eliko lyaNamibia.

Okwa ti aadhani oyendji ngashingeyi moEuropa oha ya kwatele moontungwa nomoombaali oshoka moshiwike ohaya vulu oku kwata sigo opooN$1.5 oomiliona.

Okwa kumike aamati ta ti oshitopolwa shaShana ngashingeyi osha dheula aadhani oyendji ta ya dhana pamuthika gwopashigwana, ta gandja oshiholelwa sha Benson Shilongo, Absalom Iimbondi, Benjamin Nenkavu, na Willem Mwedihanga ati mbaka oya li ya longo nuudhiginini na oha ya ithanwa kiilonga yosipana yopashigwana. Ponkatu mpoka yeli nena oya adhapo okupitila mospana yaShana yaamati yokohi yomimvo 20.

Ashike Mbidi okwa kumagidha aamati mbaka ati esindano ndika ina li ya ningililamo ya tye kutya oyo dhingi ,ihe shoka ya pumbwa okutsikila nokulonga nuudhiginini yo ta ya kala aanamikalo naavuliki koompango opo ashike ta yaadha iilalakanenwa yawo metanga.

 

 

 

LEAVE A REPLY

Please enter your comment!
Please enter your name here