Kameeta a talele po eumbo lovakulupe moLüderitz

0
314
Mefano okudja kolumosho kansela woshikandjohoolwa sha!Nami#nus Jan Scholtz, Minista Zephania Kameeta, Omutonateli wumbo lovakulupe Chrisie Anderson, Omupedu Mayor Brigitte Fredericks na Kansela wElelo lodoolopa Johannes Abraham, komesho yeumbo lovakulupe mo Lüderitz.

 

Lüderitz – Ominista yOkukondjifa oluhepo Omubishofi  Zephania Kameeta okwa li a talelepo eumbo lovakulupe , mo Lüderitz moshitopolwa sha //Karas Olomakaya ladjako.

Bishofi Kameeta oye umwe womwaavo vali va mona kutya osha pumbiwa a etepo eumbo lovakulupe modoolopa ya Lüderitz. Eshi oshaningwa pefimbo Bishofi Kameeta ali omufita wOngerki ya ELCRN moLüderitz okuhovela modula 1978 fiyo 1981.

Eumbo lovakulupe tali ufanwa “The Helping Hand Old Age Home” oveli totapo modula 1979 melongelokumwe noo Pastor Hamhola, otate Kadhikwa, Dolly Masla navakwao.

Bishop Kameeta okwa yeululille pambelewa eumbo lovakulupe eli mo 09 Januali 1983.

Pefimbo letalelepo la ye Bishop Kameeta okwa holola ehafo okutalelapo odoolopa ya Lüderitz omo ali a longa omanga ali  omunyasha. Nokwa pandula ovafilishisho meumbo lovakulupe ovo veli fila nawa oshisho, nota li monika la koshoka.

Meumbo omo omuna ovakulupe veli vahetatu ovakainhu vane novalumenhu vane, novanailonga vatatu.

Omufilishisho weumbo eli Chrisie Anderson okwa kufilako Bishop nghene hava longo nokukalepo eumbo lovakulupe modoolopa. Anderson okwa tumbula kutya ehangano lokukwata eeshi lo Seaflower olo hali file oshisho eumbo mokufuta omeva nolusheno, okudja tuu eedula eshi omeva nomalusheno ali ena ombiliha, ndele fiyo onena eshi omeva nomalusheno ena ondilo. Ehangano lo Sesflower olo yo hali yandje eeshi kovakulupe, meumbo omo tuu omo.

Anderson okwa ti kutya ovanangeshefa vahapu modoolopa oha va kwafele ovakulupe, noku va landela omakumbafa nosho tuu.

Ovakulupe ovo veli meumbo navo vene ohava yambidida mokukalekapo eumbo omo veli nova filishisho vavo, eshi hava yandje oshipambu shimwe shomoshikuvila osho hava mono kepangelo opo shifute ovanailonga.

Bishofi Kameeta okwa holola ehafo laye moku shakena novanhu ovo a efa nale, nokwa tumbula nghene ta dimbuluka ovo vali naye modoolopa ei efimbo linya ndele mefimbo eli kaveli vali momwenyo. Okwa tumbula yoo kutya odoolopa oya tunga, neenhele dimwe ite di dimbuluka vali noupu.

Bishofi Kameeta okwa pandula unene ovanangeshefa vomo Lüderitz eshi vakalekapo eumbo lovakulupe, nokwa pandula unene koilonga oyo tailongwa kehangano lokukwata eeshi lo Seaflower olo hali fi oshisho okupalula ovakulupe, ounona vofikola naaveshe ovo veli momhumbwe yeendja modoolopa omo.

Kameeta okwali yoo a mono omhito opo a talelepo ofaablika yeeshi yoSeaflower, oshoyo onhele yee hectare dili 10, ei opo ashike ya yandjwa pambelewa odula yo neudo opo ovanhu vadule okulonga ounamapya nokulwifa ondjala modoolopa ya Luderitz.

Bishofi Kameeta okwa li omuyenda waKansela woshikandjohoololwa sha !Nami#nus eu ile koLindili  okufikifa etumwalaka lomu Presidente woshilongo pefimbo oshikandjohoololwa eshi tashi dana oshivilotyapulo shemanguluko loshilongo oule weedula 26 osho shaliko momafiku 03 Apilili neudo  pokapale komaudano mo Lüderitz.

 

 

LEAVE A REPLY

Please enter your comment!
Please enter your name here