Okafeelema Katutura ota ka ka ulikwa koWarehouse Theatre

0
263
Efano lyakuthwa mofilima Katutura ndjoka ta yi ka ulikwa koWarehouse Theatre Etitano tali ya

WINDHOEK

Okuza sho euliko lyokino Katutura lyali lyeende nawa mOngwediva omwedhi gwaziko, ehangano lyoTulinane Entertainment olya tseyitha ishewe kutya okafeelema haka kokino ombwaanawa ota ka galukile moshilandopangelo. Pinehas Nakaziko ota kundaneke

Okafeelema ota ka ulikwa koWarehouse mEtitano tali ya. Euliko netseyitho lyopauyuni lyokafeelama lyotango olyali lya ningwa omvula yazako  moCinema yoSter Kinekor, moVenduka, Epic Cinemas mOngwediva nosho wo moKatutra momwene.

Nekwatho okuza kehangano lyaNdowishi ndyoka ha li ningi uufeelema lyedhina Rushlake Media,  okino ndjika oya li  ishewe ya mono ompito onene opo yi ulikwe koPan African Film Festival moLos Angeles, no ko shituthi shookino oompe dhoAfrican Film Festival moWashington DC.

Moomwedhi twa taalela, Katutura ota ka ulikwa kiituthi oyindji yoofilima pondje yoshilongo omanga ofilima inaa yi tulwa moBluRay, DVD nomuuvidio.

Omudhindi nomutoloki gwofilima ndjika, Florian Schot, ota kumagidha opo aantu mboka ya hala okuka tala ofilima ndjika ya kale ya landa uutekete wawo koodola dhaNamibia N$ 50 omanga kuyele.

OfilIma ndjika ota yi popi kombinga ya nkene omukwatwapo, Dangi ena okunana nondatu opo a kwathele ofamili ye.  Omukolokoshi Shivago okwa etapo ompito yomalandithilo ompe yokulanditha iingangamithi, omanga okamati hoka keli ko katemba Kondja, ka gwile mohole lwotango.

 

 

 

LEAVE A REPLY

Please enter your comment!
Please enter your name here