Salmi ota tumu uukadhona dhingi koFace of Beauty

0
387

 

WINDHOEK

Omukadhona omugundjuka gwondjelo ombwaanawa  Salmi Nambinga, okwa pewa uuthemba opo a kale ta tumu aakadhona mboka ya hala okuhumitha iitalenti yawo komeho kethigathano lya Miss Face of Beauty.

Salmi ompito ndjika onene ku ye okwe yi pewa komutoti po gwethigathano ndika, Mila Manuel. Nambinga okwa holola uuntsa nuunambano we ta ti shika osho ompito ombwaanawa kuye, nokaakadhona dhingi mboka yena omukumo moNamibia no ya hala okukutha ombinga methigathano ndika.

“Ndjino ompito ombwaanawa lela kungame noku longela pamwe nomanzuna getu ngoka ga hala okuka ulika uunongo wago pondje yoshilongo. Miilonga yandje otandi ka kala nokulonga, okutula omauyelele kumwe noku kwathela uumodela auhe miinyangadhalwa yawo,” Salmi ta ti ngaaka.

Onakuyiwa nelalakano ya Salmi okukwathela ehangano lyomainyanyudho lyokweenda moNamibia noku humitha komeho omathigathano ngoka gwokweenda moshilongo.

Oshiindingili shika sho Face of Beauty osha totelwepo mo 2012, nokonima ashike yoomvula ne oshali shakoko noonkondo nosha gandja ompito kaagundjuka ayehe yopondje yiilongo ya tameke oku kutha ombinga.

Oshituthi osha kala nokuningilwa miilongo ngaashi Thailand naTaiwan. Nomvula ndjika otashi ka ningilwa mo Leptin Mongolia muSepetemba.

Yeraldi Barraza okuza koMexico oye ali asindana methigathano ndika  omvula yazako,  mokwa mwali muna omwaalu gwaakiintu yaadha 60 yali ta ya ulike uunongo wawo nota ya kondjele oshikoloni shika.

“Pethimbo ndali ndakutha ombinga methigathano ndika omvula yaziko, okwali ndi ilongo oshindji kuukadhona uukwetu mboka twali tuli methigathano nawo. Okwa li nda holoka meni lyaakintu 15 mboka ye na ondjelo ombwaanawa,” Salmi ta ti.

 

 

LEAVE A REPLY

Please enter your comment!
Please enter your name here