Young Chiefs pokati koshilaleko nomwele

0
299
Young Chiefs ota ka tegelela aadhani ye yokomeho opo ye ke mu mangulule nookoola.

ONGWEDIVA-Sho oliha yoMTC Namibia Premier League ya thinda pehulilo oosipna ota dhi ningi shanamutango kesindano omanga dhimwe ta dhi longo nuudhiginini opo dhi kalekepo omahala gadho moliha ndjika.

Osipana yoYoung Chiefs oyo yimwe yo moosipana ta dhi kondjitha okukaleka po ehala lya yo moliha ndjika.

Young Chiefs ota ka ya mokapale na Eleven Arrows ongula pokapale kUukwangula omanga moSoondaha ta ka tya pwaka na Blue Waters. Young Chiefs okwa pumbwa okusindana omaudhano ngaka agehe opo akale popepi noontuni sho ta ka thigala ko ashike nomaudhano geli gane konima yuudhano wehuliloshiwike ndika nongele okwa sindanapo omaudhano ngaka ota ka kala ashike a pumbwa iitsa itatu momaudhano ge geli gane ga hugunina.

Pethimbo ndika Young Chiefs oku li pehala eti 12 moka ena iitsa 28 ta landulwa kosipana yoRundu Chiefs pehala 13 niitsa 27pehala eti  14 opuna United Stars niitsa 24, Julinho Sporting okuli peha eti 15 ena iitsa 23 omanga osipana yili pevi lyoliha Flamingoes ndjoka yi na owala iitsa 17.

Aayambidhidhi yoYoung Chiefs oya tegelelwa ya ka dhane onkandangala ehuliloshiwike ndika oku kumika osipana yawo opo yi mone omasindano lyo evi lyiimpungu likale lina omukalelipo muudhano mbuka oshikako shuudhano tashi landula.

Pombanda yoliha, Tigers ota vulu a kasindane po oliha ndjika ina thanga wo ootu nando etanga ngele omukondjithi gwe Black Africa okwa ndopa okusindana po omaudhano ge gomehuuliloshiwike ndika.

Black Africa okuna omaudhano omadhigu oshoka ota ka taalela Civics no Orlando Pirates ehuliloshiwike ndika naayambidhidhi yo Tigers ota ya ka wayimina aayambidhi yoCivics no Orlando oshoka ngele oya pondola oku dhenga BA nena ekopi lyo NPL olya thinda kaamati yokOshandumbala.

 

 

LEAVE A REPLY

Please enter your comment!
Please enter your name here