Nama’s ta simaneke aahiki yo jazz yotango

0
318
Ongundu  ndjika yoOriginal Jazz Masters ota yi ka simanekwa nepapa  lyOkwaadha oshindji monkalamwenyo  lyonuumvo okuza kolutu halu gandja omapapa ngaka lyedhina Namibian Annual Music Awards momasiku 29 gomwedhi nguka po NTN moVenduka..

Nale nale omanga omuhingo omupe gwomusiki inaagu tamekwa momaludhi galwo gayooloka Namibia okwa kala naahiki yoongalo mboka ya tameke uuhikingalo pomimvo dho  1950 noshowo 1960.

Mbaka oya li ya hiki iiyimbo yawo mokufudhila ombepo momankuma nokudhenga iiketala omathimbo sho ga li omayamba mokuhika omusiki yoludhi lwo jazz momalukanda unene tuu manga Olukanda olukulu lwali inaalu tembudhwapo  noku hanagulwapo.

Momimvo ndhoka aaniilonga oya li haya egeke manga omaupyakadhi nomashongo ngoka ye na taya zala nawa oku ya ya ka ndanise kiinyanga yomainyanyudhilo. Mbaka oya li ha ya ndanisa sigo okwa toka noonkondo.

Aaholi yomusika ota ya ka nyanyudhwa kaahiki mbaka yomimvo dhonale  pethimbo ehangano hali longekidha egandjo lyomapapa gomusiki kaaNamibia NAMA’s tali ka simaneka nokutumbaleka ongundu yaa imbi mbaka nepapa lyoku yambapaleka omusika uule wonkalamwenyo. Epapa ndika otali ka gandjwa poshiithanene sha shewa momasiku 29 gomwedhi nguka  moVenduka.

Omupitithinashipundi gwa NAMA’s, Tim Ekandjo okwa ti aahiki yotango yomusiki yo Jazz oya gwana shili okupewa esimaneko ndika. Nonando yo oya koka ngashingeyi tse otwa fuulwa kwaashoka taya ningi natango ngele tashiya mokuhika omusika yoludhi nduka onkene oshi li nawa oku ya simaneka noku ya pandula pamukalo nguka omanga ye na omwenyo.

Ongundu ndjika ha yi ithanwa“The Original Jazz Masters” ota yi ka simanekwa  noku yelwa nepapa lyasimana ongulohi yEtitano lyomasiku 29 gomwedhi nguka  poshinyanga shOpashigwana shokudhanena Iinyandwa sha Namibia.

Ongundu ndjika Original Jazz masters (OJM) oyo ongundu onkulu kwaadhihe  moshilongo  ndjoka ya tamekele okuhika omusika yoshinanena taya longitha iihikomwa yiigwana yilwe pomimvo dhomilongo 40 nomilongo 50 mOlukanda Olukulu omanga aakalimo yamo inaa ya thiminikwa okutembukila koKatutura.

Omumvo 2003 Nghidipo Nangolo okwa hanganitha aahiki yo jazz mbaka yeli yahamano nokudhikapo ongundu yojazz yomolukanda yedhina Aahiki aatango yo Jazz nenge OJM ngaashi ye shiwike melaka lyOshiingilisa.

Konima yomimvo mbali okwa kwata uungalo wongundu ndjika mostudio, noku etapo ooalbuma dhoJazz dhili mbali dhomadhina Dakotas na  Benguela Breeze. Endulukepo lyooalbuma ndhika otali lalakanene okuyumudhapo omaimbilo nomawi ngoka ga dhimbiwa gomusiki moNamibia lyamanguluka.

OJM okwa imba nokunyanyudha  piituthi iinene ngaashi sho //Ai/Gams Festival,  Windhoek Jazz Festival, ongundu ndjika oha yi  nyanyudha wo piigongi yepangelo, pwaambyoka yomahangano gopaumwene, omahangano gopangelki oshowo piituthi yaaholi yomusika oohandimwe.

Ongundu ndjika  oya dhana piituthi yomusiki pondje yoshilongo ngaashi sho ya dhanene noku imba pamwe na Handel Musiek Gymnasium, ehangano lyaaNdowishi lyoSymphony Orchestra lyokoBerlin. Oya li ya dhana noku imba pamwe moshinyanga shokudhanena iinyandwa oshowo hamu imbilwa sha Namibia moVenduka omumvo 2005. OJM okuli natango ongundu yomusika ya simana pethimbo ndika  no ina yi vululukwapo okuza tuu omumvo 2005.

Iilyo yongundu yOJM mbyoka yili pokati komimvo 65 no 95 oyo  Joseph Petrus “Ou Gorab” //Hoeseb – Accordion, Stephanus “Kookwater” //Hoebeb – Tenor Saxophone /Banjo, Andreas Gustaf “Kuta” Kavandje – Bass/Double Bass .,Frederick Ndiripunye “Karietjie” Kamburutue – Alto Saxophone, Reinhardt “Toto” Muinjo – Drum/Percussion, Immanuel “Mannietjie” Shivute – Rhythm Guitar Nghidipo Nangolo, oye omunduluki nomuwiliki gwongundu ndjika noshilyo oshitiheyali.

Ongundu ndjika ohayi dhana pamwe naagundjuka yatatu ngashingeyi oshoka Ou Gorab okwa sa ombanda noku li ashike mombete ihaa penduka, ye Ou Kuta okwa mana oondjenda.Osha kutha ethimbo opo OJM a fuule aapulakeni yomusiki ndjika opo ye yi hokwe. Tango opwa li omapekaapeko gomusika ndjika okuza 2000 nokonima yomimvo omulongo omusika ndjika oya tameka ishewe ya hokiwa kaapulakeni. Ongundu yOJM oya nduluka ooalbuma mbali nontitatu oyili melongekidho .

 

 

 

LEAVE A REPLY

Please enter your comment!
Please enter your name here