Aasimani yAfrica AKA na Roberto ta ya imbi poNAMAs

0
330
Aahikingalo aaAfrica ya simana AKA na Roberto otaa kiimba poshiithanene shoNAMAs nuumvo moVenduka.

Aahikingalo yasimana muAfrika otaya kala aayenda moku imba poshituthi shokugandja omapole kaahikingalo aaNamibia omwedhi nguka.

AKA na Roberto ota ya joina aaimbi aaNamibia, Chikune, Ann Singer,  Matongo Family oshowo yalwe konyala ye vule omilongo 30 mboka taa kiimba pethimbo lyoshiithanene sho Namibian Annual Music Awards (NAMA’s) moVenduka ehuliloshiwike lyomasiku 29 gomwedhi nguka.

Oshiindingili shika sha tegelelwa koyendji, oshinako, ashike iiwike iyali opo shi ka ningwe moVenduka poshinyanga shoRamatex muuninginino, sho moka tamu kakala eyadhimo, naakwashituthi ya zala yoopala oonguwo tadhi adhima nodhuulenga. Mpaka omusiki nuunkulungu otawu ka tsakanena kongulohi yetyapulo itaali ka dhimbiwa lyaNama’s 2016.

Shika otashi landula moompadhi dhaashoka sha ningililwe koShiwakopo omvogu. Pwaashika napo itapa ndalapatelwa nando oosha sho aahikingalo naanduluki yomusiki taya ka longa iilonga mbyoka ye shi nawa opo oshituthi shika shikale sha dhenga mbanda okuyelaka naambyoka yomimvo dha pitit.

Nuumvo omwa gwedhwa epapa lyomuhikingalo dhingi omuAfrika naashika osho sheeta  aaulikwa mokati kaanamadhina muuhikingalo AKA omuSouth Africa na Roberto omuZambia ongaayenda yasimana. Mbaka otaya ka imba pamwe naahikingalo yaNamibia mokati kayo muna mboka aanene ngaashi The Dogg, Gazza, Freeda, Big Ben, 4X4, Exit, Chikune, Matongo Family, Lize Ehlers nooyakwawo ye vulithe pomilongo ndatu poshiithanene shomasiku 30 Apilili poRamatex.

NAMA’s 2016 ota ka eta pamwe oonkulungu dhomusiki miitayi ayihe yomusiki ya simana moNamibia uule wehuliloshiwike ndyoka okutyapula uuyamba woongalo wiingwelengendjo ya ndulukwa kaaNamibia mbaka. Momusholondondo omuna aahikingalo ngaashi Ann Singer, Desmond, Kk, Oteya, Kalux, Female Donkey, Diop, Bertholdt Mbinda, The Multi Talented, Lady May, Lmpc, okugaluka kwa  Matongo Family, Denzo No Stress & Stupet Jones, Valentino, Hilifa 94, Kp Illest, N I A, 3db, Msunday na J.S, Tabakans naahikingalo yamwe mboka taya ka monika ashike ongulohi ndjoka uuna yi ithanwa ya kadhane oongalo dhawo komeho gaaholi yomusiki.

“Okulongekidha oshiithanene shika shongushu ngaashi Nama’s otwa tegelela wo opo iihikomwa naahikingalo ya kale wo taya hiki nokwiimba omaimbilo geli pomuthika gwopombanda.. Oku tala omusholondondo gwaahikingalo mboka ya tegelelwa Nama’s oku li mondjila okuninga oshiindingili shoongalo nokugandja omapapa kaahikingalo oshinene nosha dhengambanda menenvi Afrika  alihe.” Omunashipundi gwa NAMA’s, Tim Ekandjo osho a hokolola.

Ekandjo okwa ti uutekete woku ya moshiithanene owa tameka okulandithwa ngashingeyi poComputicket oshowo Computicket moIntanet. Uutekete waasimani ooN$500  uutekete womuntu kehe ooN$ 250 omanga waamboka ya hala okukala ya thikama otawu gu ooN$120. Ngoka wa landa koye kuyele oto ka kuthilwako oodola omilongo ntano ngele owe shi ningi omanga omasiku omilongo 24 gomwedhi nguka inaaga adha. Konima yesiku ndyoka uutekete otawu landithwa kondando yuudha ngaashi ya tumbulwa pombanda.

 

 

LEAVE A REPLY

Please enter your comment!
Please enter your name here