Black Africa a dhana okalimba komakutsi

0
301

 

ONGWEDIVA-Black Africa ngoka ali a tegelelwa a dhigupaleke ondjila ya Tigers muudhano wokukondjela ekopi lyo MTC Namibia Premier League (NPL) okwa ndopa okusindana uudhano we wehuliloshiwike lyazako naashika osha thigi Tigers ta dhanitha ompadhi kombanda yoliha sho ngashingeyi pokati kawo puna elala lyiitsa 11.

BA okwa li a dhana shithike pamwe na Civics Olyomakaya gazako  nokwa li a dhengwa ondhimbo onene ko Orlando Pirates 0-1 mOsoondaha.

Tigers ngashingeyi oku li ashike a pumbwa iitsa yili itatu noku fadhukapo nekopi, Black Africa ota ka kambadhala okuninga iinyengandunge ashike okuna okupitila meyulu lyonane oshoka ota ka pumbwa a sindane po omaudhano ge agehe ngoka ga hupako geli gane ashike okwa pumbwa nee Tigers a ka kanithe omaudhano ge agehe ga hupako.

Ashike ngele Black Africa okwa ndopa okusindana uudhano wumwe mehuliloshiwike ndika nena Tigers ina pumbwa okuthanga etanga, oshoka shika ota shi ti BA ita vulu we oku adha Ingweinyama, oshoka ota ka adha ashike iitsa yi li 58 omanga Tigers Ingweinyama ena nale iitsa 60 mongashiingeyi.

Osipana yo Young Chiefs oya li ya ningi onkalamwenyo yawo pevi lyoliha ondhigu sho ya li ya kanitha uudhano wawo wehuliloshiwike lyazako sho yali ya taalelwapo koosipana dho komunkulofuta.

Young Chiefs oku li a taalela omayeleko omanene sho ongula ta ka ya  mondambo na Tigers Ingweinyama ngoka a hala okusindana oliha nuumvo.Uudhano mbuka owa tegelelwa wu ka kale itaa wu nuwa meya oshoka owa simana koosipana ndhika mbali, Tigers okwa hala a sindane oliha omanga Young Chiefs okwa hala a nkondopaleke ehala lye ye iikaleke moliha.

Osipana yo Flamingos oya li yi ikutha kohi konima sho ya li ya likola iitsa ine mehuuliloshiwike lyazako na ota yi ka kondjitha oosipana dha Rundu mbali ndhoka dhili mokakololo kokugwamo moliha onkene ehuliloshiwike ndika odha pumbwa okuthigwapo komaudhano.

 

LEAVE A REPLY

Please enter your comment!
Please enter your name here