Boet  a pititha okangalo Shambekela

0
369
Omuhikingalo Boet ta monika mpoka.

ONDANGWA – Omuhikingalo a tseyika nawa koyendji moNamibia Jonas Mungungu aka Boet okwi ifolamo ishewe mondambo sho a pititha kamwe komuungalo mboka wu holike kaapulakeni. Boet okwa pititha ngaashingeyi ooalbuma odhindji.

Shino oshikando oshitiyali Boet ta pititha ongalo, ndjono ati okwe yi nunina unene aaholi yoongalo dhe na kehe ngoka ena ohokwe yo ku yi pulakena. Ongalo ndjino ota yi ithanwa Shambekela ndjoka ta yi vulu okudhanwa piituthi yi ili noyi ili no yi na etumwalaka tali kumike oshigwana.

“Ongalo ndjika opo ndi yi etepo osha pula ndje oomwedhi ne (4) opo ndi kwashilipaleke kutya ayihe oya pwa okulongekidhwa ngame wo ndi yi tume moshigwana, shino ondali ndeshi ningi opo woo aakwashigwana naalanduli yandje ya tseye kutya oongalo ndhoka tandi tula moshigwana odhina omulyo no tadhi nyanyudha,” Boet ta ti.

Shambekela okwa li a piti momasiku ga 4 Apiilili nuumvo, no ta vulu okupulakenwa ongele okomalungula nenge okooradio ngaashi NBC Oshiwambo, Radio Energy,Omulunga Radio na dhilwe woo.

Boet ta gwedhapo kutya ye okuna elalakano opo a yambulepo oshilongo ngele ta shiya koongalo ye a gandje etumwalaka tali tungu moshigwana.

Okwa pula aahikingalo aaNamibia ya longele kumwe yo ya yambulepo oshilongo koshikondo shoongalo, yo ta ya kala ya gandja etumwalaka moshigwana.  Yo ya kale ta yapaathana omayele ngoka geli mondjila.

Okwa tsikileko ta gandja olupandu kwaayehe mboka haye mu kwathele moongalo dhe ta ti oyendji oha ye mu kumike noku mu pa  omayele taga tungu. Okwa tothamo Olavi na Reinhold Nyau oshowo LENS VIEWMEDIA CC, ta ti mbaka oyo ye shi ningi oshipu opo a pitithe ongalo ye ndjika. Ta ti aalanduli ye naya kale ya tegelela oshindji okuza ku ye.

Boet ta ti oha kwathele aahikingalo oyendji moshilongo noyendji ohaye mu yambidhidha woo. Ta ti ngele aahikingalo ita ya longele kumwe nena itamu kala aayimbi moshilongo mboka taya taandelitha etumwalaka li ye oombinga noombinga dhoshilongo. Ta ti ota tsikile noku ulika oshitalenti she shoku hika oongalo no ita sholola.

 

 

 

LEAVE A REPLY

Please enter your comment!
Please enter your name here