Efiku lo TB la dimbulukiwa mo Aus

0
198

Aus – Efiku lo TB mounyuni olo hali dimbulukiwa mo 24 Maalitsa  ola li ladimbulukiwa moshikandjohoololwa sha!Nami#nus modoolopa  yAus pehovelo lohani ei.

Omutonateli woundjolowele wopetameko moshitukulwa shouhaku shaLüderitz Omupangi Hendrina Andreas okwa ti edimbuluko lefiku lo TB mounyuni loovene mo Namibia ola ningilwe pOshikuku moshitukulwa Omusati mefiku eti 24 la Maalitsa neudo.

Onghene oku koshitukulwa shouhaku shaLüderitz ovalongekida opo veli dimbuluke momukunda oAus.

Ovaxwaxwameki vokuwilika omukifi woTB momikunda okudja mo Lüderitz, Rhosh Pinah oshoyo mo Aus, Ovapangi novakwashiwana ovali va ongala pamwe pehovelo lohani ei nokudimbuluka efiku eli.

Ova kumike yoo ovakalimo vomo Aus opo va dule okukeelela omukifi woTB modoolopa yavo.

Ovanhu ovo veli kepango loTB ovatuwa omukumo, vadiinine okunwa omiti davo pefimbo, nokushikula omayele aeshe oo tava pewa kovanambelewa voundjolowele, opo vadule okuveluka komukifi ou.

Ehangano lokukwata eeshi lo Seaflower ola yandja eeshi difike potona imwe di pewe ovanhu ovo veli kepango loTB.

Omunambelewa oo elilepo oilonga mo Seaflower, Inocencio Verde pefimbo ta yandje omaano eeshi okwa tumbula kutya Namibia onghene ngoo eli pondodo onhimulongo mounyuni, moilongo oyo ina omukifi wo TB.  Verde ta tumbula kutya ovaNamibia otuna oku angala omukifi wo TB oo uli eshongo la palamena oundjolowele wetu  osho yoo ounyuni.

Andreas okwa  pandula unene aveshe ovo vali va ongala noku dimbuluka pamwe efiku lo TB moshitopolwa, nosho yo okwa fimaneke ovanangeshefa ovo veva yambidida opo vadule okudimbuluka efiku lo TB pashitukulwa.

 

LEAVE A REPLY

Please enter your comment!
Please enter your name here