Ekwatonkonga natango olili pombanda mOmusati

0
306

ONGWEDIVA-Aakiintu ye vule 12 yomoshitopolwa shaMusati oya ya monithwa iihuna pamadhiladhilo sho ya kwatwa onkonga kaalumentu moshitopolwa moka okuza muJanuali nuumvo sigo oshiwike shayi.

Kuuyelele mboka wa gandjwa komupopiliko gwopolisi moshitopolwa shaMusati Seargent  Anna Kunga okwat i aakiintu mboka ya kwatwa nenge ya patulula iipotha yekwato nkonga oyeli okutameka poomvula 12 sigo 44.

Oshiningwanima oshitalala lela oshoka sha ningilwe  oshiwike sha yi okwa hokololwa kutya omulumentu gwoomimvo kaadhi shiwike okwali ayi mondunda yomukiintu gwomivo omilongo 28 etayi naye miihulo kashishi pahalo lye.

Kunga okwati aniwa omukiintu ngoka a patulula oshipotha shekwato nkonga okwa hokolola kutya ina kuga nande nenge a konge ekwatho kaashiinda shike okwa dhenge omuthindo kutya omulumentu nguka okwa lala naye kaashishi kehalo lye.

“ Nakutulilwa mo oshipotha shoka okushiwike nawa komutulimo gwoshipotha, ashike ina kwatwa na tango,” Kunga a hokolola ngaaka.

Kunga okwa tsikileko kutya kapena nande uuyelele tawu holola kutya oshike shili konima yoshiningwanima shika.

Okwa ti omakonaakono gopolisi otaga tsikile moshiningwanima shika.

Oshiningwanima shika osha holoka ongulangula potundi 01h30 kaandjawo ya nakutula mo oshipotha shika.

 

 

LEAVE A REPLY

Please enter your comment!
Please enter your name here