A joina uudhano wetanga lyokoompadhi

0
319

 

Windhoek – ‘Ngele aaniilonga yomomagumbo oya tulilwa po ondjambi yopetameko omolwashike shika itaashi vulu okuningilwa aadhanitanga ya Namibia.”

Ndika olyo epulo lyAmushanga Ndjayi gwehangano lyaadhanitanga ya Namibia nenge Namibia Footballers Players Union (NAFPU) eli ningi konima yoku taamba oshinakugwanithwa shika pambelewa omasiku ngaka moVenduka.

Olsen Kahiriri oshilyo nale shongundu yoNamibia Economic Freedom Fighters (NEFF), noshilyo ngashingeyi shongundu yompilameno yopambelewa DTA ya Namibia okwa tseyithwa a ulikwa Amushangandjayi gwehangano lyaadhanitanga aaNamibia.

Kahiriri moonkundathana naKundana okwa ndjandjukununa shoka a hala okwaadha pethimbo lyokondalaka ye muuhamushanga wehangano ndika omimvo ntano tu uka. Okwa ti ehangano lyaadhanitanga olya li lya pumbwa omuwiliki ngoka ena uuwanawa wawo komutima.

Shoka tashi kumitha ooshika kutya nando Kahiriri okwa li uulikwa ongo Amushanga Ndjai gwehangano ndika muFebuluali nuumvo etseyitho lyokuulikwa kwe olya ningwa ashike omasiku ngaka nenge kalya li lya tseyika koshigwana oshowo kwaamboka yenasha noshimpungu shuudhanitanga.

Kahiriri okwa ti omathaneko ge ngoka enine ehangano ndika, lyotango olyo okukondja opo aadhanitanga ayehe haya dhana moLiha yopombanda ya Namibia ya kale ya pewa omuthika gwoondjambi dhopetameko , okwa dhenge omuthindo mpoka kutya ngele aaniilonga yomomagumbo oye na ondjambi yopevi mpoka haya tameke omolwashike shika itaashi vulu okuningilwa aadhanitanga wo.

“Elalakano lyandje enene oku etapo elikolo  kaadhanitanga tashi pitile miilonga iiwanawa, okukala noshinakugwanithwa oshowo okuyakula pamuthika gumwe.Ngele aaniilonga yomomagumbo oyena oondjambi dhopetameko , omolwashike aadhanitanga itaaya vulu wo okutulilwapo ondjambi yatya ngaaka? Omaudhano unene etanga lyokoompadhi  oshimpungu longa oshinene shoka hashi etamo oshindji moonkalamwenyo dhaaNamibia oyendji, onkene otuna okusoshimpwiyu kutya otwa kondjela uuwanawa waadhanitanga” Kahiriri osho a ti.

Kahiriri, ngoka a thigilepo NEFF omvogu okwa ti okushishi kutya ehangano lyaadhani ohali ende wo kashona moku potokonona iikumungu yaadhani noosipana ndhoka mbaka ha ya dhanene, onkene shika oshowo oshitopolwa shimwe shoka ye taka  palamena opo shikale hashi endelelwapo uuna pena omahilathano .

“Onda hala shili tu kale hatu potokonona omikundu ndhika mbala nomeendelelo ngaashi tashi vulika mokukondjela uuyuki nokulonga nawa.Otandi ka longela wo kumwe noospana adhihe okuetapo omulandu ngoka tagu popi shuukilila kombinga yomakwatho gopaunamiti  gaadhani ookondalaka dhiilonga nonkene aadhanitanga taya longwa nayo koospana dhawo pamuthika gwopaithano.” Aadhanitanga nale mospana yopashigwana yoBrave Warriors aasimani  Lolo Goraseb na Congo Hindjou oyo Omupresidente nOmupevipersidente gwoNAFPU, omanga Donelly Nell oye omudhiginini gwiiniwe ye Kahiriri oye Amushanga Ndjai.

 

 

LEAVE A REPLY

Please enter your comment!
Please enter your name here