Minista Mutorwa a pula elongelokumwe maanafaalama

0
262
Minista Yuunamapya , Omeya nOmakuti pethimbo a popitha aanafaalama yokomahala gaayehe moshitopolwa shaShikoto omasiku gaziko. John Mutorwa okwa li ithanawa kaanafaalama mbaka opo ye ke mu pandule molwewiliko lye pethimbo lyiilonga yokukondjitha omukithi gwekondo nelaka ngoka gwa li moshilongo.

 

OKAPYA – Minista gUunamapya Omeya nOmakuti, John Mutorwa okwa indile aanafaalama opo ya longele kumwe mokufaalama kwawo.

Mutorwa okwa ningi eindilo ndika omasiku ngaka pethimbo a tsakanene naanafaalama yomevi lyaayehe haya lithile iimuna yawo moofaalama dha Mangetti pOkapya moshitopolwa Oshikoto.

Okwe ya dhimbulutha kutya uunafaalama owa simana oshoka mbuka owo omaganohenda gaKalunga ngoka a pe aantu, opo ya longe yo yi ipaluthe  moonkalamwenyo dhawo. “Aanafaalama moshilongo shetu oya pumbwa okutyapula iiyimati yiilonga yawo mbyoka hayi longwa  nomazigudhe nepupyu,” Mutorwa ta ti.

Okwa gwedhapo a ti kapena omusindani ha sindana inaa longa , onkee opo wu sindane owuna okulonga, wo uuwanawa tawu ku landula ihe, ye omuntu kehe oha teya shoka a kuna. Mutorwa okwa indile  wo aawiliki ya longele kumwe, yo ya tseye kutya sho ya hogololwa kaakwashigwana ya kale aakomeho, osho yi inekelwa nawa kuyo, onkene oye na okulonga pauyuuki.

Ta indile aanafaalama ya kale taya ningilwa omadheulo ga nkene ye na okukalekapo iinamwenyo oshowo iimeno yawo nawa, oshoka anuwa oto adha aanafaalama mboka kaa yeshi nkene ta ya kalekepo oofaalama dhawo nolundji oha ya tulamo iimuna oyindji ya pitilila po tapu kala pwaahena ehala lyuulithilo niikulya oya pwamo mofaalama.

Minista okwa indile aanafaalama ya kale yena elongelokumwe, yo ta ya hulithapo onkalo yuukwamuhoko ndjono ta ti ita yi tungu oshigwana ashike ota yi teyagula noku yona ombili moshilongo.

Okwa londodha ati itashi kwatha sha omuleli a kale te ende ta tuwalala ye itaa yakula oshigwana ngaashi ena okushi yakula pamukalo ngoka gu uka.

“Aaleli natu leleni ngaashi shuuthwa tse tu kwathe mokutunga oshilongo noku yambulapo eliko lyasho inatu kala owala aanankondo mo ku popya ihe iilonga yetu nayo nayi gwanithepo omapopyo getu.Omolwa onkalo yombepo ndjono hayi kala noku lunduluka  otandi indile tu yi taambeko ngaashi yili, tse tatu kalekepo iimuna yetu, oondohotola dhiimuna odhi ilongekidha ethimbo kehe oku yakula iimuna,” Minista ta gwedhapo ngaaka.

 

 

 

LEAVE A REPLY

Please enter your comment!
Please enter your name here