Omathaneko oku tunga ombala yaNdonga

0
295

ONDONGA –Elelo lyoshilongo shaNdonga olya thaneka opo ku tungwe egumbo lyoshilongo, nondungethaneko ndjika oya tulwa nale miilonga negongelo lyoshimaliwa shoka tashi tungitha egumbo olyu uka komeho.

Okwa thanekwa egumbo ndika li ka tungwe momukunda Ondonga mpoka puna ompampa yOmukwaniilwa Nangolo dhAmutenya.[Omukwaniilwa Nangolo dha Amutenya oye yinakulu yAandonga oshoka ayehe oha yi itanga ta ya ti yo Aandonga yaNangolo dha Amautenya].

Gumwe gomomalenga ngoka a gandja uuyelele mbuka koshifo shika Kashona kaMalulu okwa ti opwa tegelelwa egumbo ndika li ka kale lya tamekwa okutungwa mbala.

“ Ngaashingeyi otwi ipyakidhila nokugongela oshimaliwa tse tu tameke okutunga egumbo ndika, tali kala ongonkulumbala ya kehe gumwe , iimaliwa mbyoka tuna pethimbo ndika itayi gwana onkee otwa tokola opo tu tsikile nokugongelela etungo lyegumbo ndyoka epe, etungo lyegumbo ndika lyUuwa otali pula moondjato onkene otuna okulonga ngaashi twa dhiginina,” Malulu ta ti.

Elelo lyopamuthigululwakalo olya tengeneka lya pumbwa oshimaliwa shi thike poomiiliona 4,8 opo egumbo ndika li kale lya thikama lyapwa okutungwa, naayihe yili pomahala. Ka Malulu okwa ti egumbo ndino otali pu owala ngele aantu ayehe ota ya longele kumwe yo taya gandja okashona kawo hoka yena, nelalakano lyokuyambidhidha egumbo li yambukepo.

KaMalulu ta ti oyena ethaneko opo ya totepo okomitiye ndjoka tayi kala ya kwatela komeho, etungo lyombala yoshilongo noshikandjo kehe otashi kala sha kalelwapo. Okwa tegelelwa omalenga omanene ga kale ga gandja oodola 1 000, mboka yena oofaalama ota ya gandja oodola 1,000 omanga omukunda kehe gwa tegelelwa gu gandje 600.

Ehala mpoka pwa thaanekelwa egumbo ndyoka opwa tulwa nale molugumbo lwondhalate , ta gwedhapo kutya uuna iimaliwa mbyoka ya tengenekwa ya gwana niilonga otayi ka tamekwa mbala , no lya egulukila kehe omuntu. Elelo otali pula opo ngoka ena ehalo a gandje ko sha ketungo lyegumbo lyoshilongo shaaNdonga.

 

 

LEAVE A REPLY

Please enter your comment!
Please enter your name here