Ombelewa yoSwapo mOshikoto ya tembukile pOmuthiya

0
321
Armas Amukwiyu omukwatakanithi gwongundu yoSwapo moshitopolwa Oshikoto , ngoka a ti oombelelwa oonene dhongundu ta yi pangele otadhi tembukako kOshomeya okuya kOmuthiya .

 

OMUTHIYA – Oombelewa oonene dhongundu yoSwapo moshitopolwa shaShikoto odhali dha tembukile mOmuthiya.  Omukwatakanithi gongundu yoSwapo mOshikoto Armas Amukwiyu okwa yelitha ndhika moonkundathna naKundana.

Amukwiyu ta ti konima sho oshilongo sha manguluka mo1990 oombelewa dhawo odha kala kOshomeya, nomolwaasho Omuthiya ogwo omutima goshitopolwa shaShikoto okwa kala kuna omathaneko opo ombelewa ndjika yi tembukeko kOshomeya yo yiye kOmuthiya hoka oko kuna konyala oombelewa adhihe.

“Otwa landula omulandu ngoka gwa tulwapo opo oombelewa adhihe dhi kale dhili mOmuthiya, shino otweshi ningi nelalakano opo tu hedhithe omayakulo popepi noshigwana, yo aakwashigwana mboka ya hala omayakulo kaa ya endewe oondjila oonde noku futa iimaliwa oyindji, ngashingeyi omuntu ota vulu owala okuza kombelewa yimwe tayi konkwawo, ye okwa mona omayakulo ngoka ali a pumbwa,” Amukwiyu ta ti.

Omukwatakanithi okwali eshi yelitha kutya mombelewa yawo moka omuna ombelewa yomukwatakanithi gongundu moshitopolwa, ombelewa yomuhwahwameki nomugandji gomauyelele, amushanga, ombelewa yewawa lyaagundjuka, ewawa lyaakuluntu, ewawa lyaakiintu oshowo oombelewa dhilwe.

Moshikoto omuna iitayi yongundu yoSwapo yili 176 omanga Uutayingundu wuli 526, nzono Amukwiyu ta ti oyena elongelokumwe ewaanawa, yo, mongundu yawo oya hangana no itamu monika omakuyunguto.

“Ongundu yetu otayi ende tayi koko esiku nesiku oshoka otatu taamba iilyo iipe ta yizi koongundu dhilwe, otwa hala okugandja uuyelele mboka wu uka no wuli mondjila kombinga yongundu yoSwapo, nonande ha tu tsakaneka omashongo mpaka naampeyaka i hatu tenguka  tse otuna omukumo mongundu yetu ndjoka oyo ompangeli,” Amukwiyu ta gwedhapo ngaaka.

Ta tsikileko kutya iikandjohogololo yimwe mOshikoto pethimbo ndika ka yina aakwatakanithi molwaasho ookansela ndhoka oompe dhimwe odhali aakwatakanithi kiikandjohogololo. Amukwiyu ta ti otaya ka kala ya ninga iigongi kiikandjohogololo hoka opo ku kale kwa ulikwa aakwatakanithi yongundu yo ya longe iilonga yawo ngaashi shu uthwa.

Niigongi mbino otayi ka kala ya ningwa mbala, oshoka oshikandjohogololo kehe oshu uthwa shi kale shina omukwatakanithi gongundu yoSwapo, ngoka ta gwanithapo iilonga ye ayihe.

Amukwiyu ta ti yo mongundu yoSwapo oyena ombili , noya hangana muukumwe, ta pula aayambidhidhi yongundu ya longele kumwe  yo taya kala iiholelwa iiwanawa moshigwana.

 

 

LEAVE A REPLY

Please enter your comment!
Please enter your name here