Omukahele a nyanyukilwa okaikokitho ke

0
367
Wheel chair 1 &2 jpg; Kuku gwa David a kuutumba mokatemba hoka a pewa ku Kansela gwoshikandjohogololo Omuthiya.

 

OKAKOKO – Omukahele gwomimvo 98 gomomukunda Okakoko moshikandjohogololo Omuthiya okwali a nyanyukwa sho a pewa okatemba komusahenda.

Ndateelela David okwali iihatapo konima yoomwedhi dha piti no sha kala shemu dhigupalela  oku adha komahala nomahala.

Omukulupe nguka okwali owala ha kala mombete nolundji oha yambidhidhwa komutekulu gwe ngono ha kala aluhe te mu tumbu emu fale pondje nenge kokandjugo.

Victoria Haindongo ngono  ta sile omukulupe oshimpwiyu okwa  hokolola kutya yinakulu okwa li a teka nokwa kala iheende kakele ngele a humbatwa.

Kuku gwaDavid ngoka ali omukalimo gomomukunda Eyambeko kEengodi okwa li a tembudhwako mo2006, nokwa kala ha tekulwa komutekulu hono a ka zako nongaashingeyi ota silwa oshimpwiyu megumbo lya Jonas Haindongo mOkakoko.

Oshiwike sha piti kansela gwoshikandjohogololo Omuthiya, Samuel Shivute okwa li a tokola opo a faalele omukulupe nguka okatemba opo a vule oku kala ta longitha ye ta hingwa wo. Pethimbo a pewa okatemba ke haka okwali ena oshipala shu udha enyanyu nomeho gu udha omahodhi omolwomagano ge ngoka a pewa oshali no ineega longela sha.

Kansela Shivute okwa ti petameko lyomumvo okwali a ningi oshikonga shoku talelapo omagumbo moka muna aakulupe.

“Piikonga yandje mbyoka ondali nda mono kutya aakulupe oyendji nonande haya kwata sha okuza kepangelo otaya hupu nuudhigu noya pumbwa omayambidhidho. Sho nda yi megumbo muka onda adhamo aakulupe yoomvula omilongo omugoyi nasha taya tekulwa, gumwe kena oshipala, ye omukwawo iha ende iheende,” Shivute ta ti.

Shivute okwa ti shino oshali she enditha omwenyo gwe nokwa  kambadhala opo a kongele omukulupe ngoka okatemba ye a vule okwiinyenga nuupu. Okwali a landa okatemba hoka kemu kotha oshimaliwa shi thike pooN$6 000,noshiwike sha ziko okwa li eka thindikile komukulupe ngoka pamwe na yamwe yomaanambelewa ye.

Aanegumbo oshowo aashiinda mboka yali ya gongala oyali ya holola enyanyu lyawo noku pandula kesilohenda ndyoka ya ningilwa.

Haindongo ta popi nenyanyu kutya ngaashingeyi otaya undula owala omukulupe gwawo nokatemba, no itaya mono we iihuna oku mu tumba ethimbo kehe.

“Olundji okwali owala ha kala mondunda mombete ashike ngaashingeyi oha kala a gondja mokamuti a kuutumba owala mokatemba ke hoka a pewa omagano, shino otwe shi pandula unene, kansela gwetu okwa longa oshilonga sha simana moonkalamwenyo dhetu,” Haindongo ta gwedhako nenyanyu.

wheelchair1

 

LEAVE A REPLY

Please enter your comment!
Please enter your name here