Oshakati Boxing Club ya yambidhidha aanona yahepa

0
326

 

OSHAKATI-Oshakati Boxing Club pamwe naagundjuka yomOshakati oya li ya longekidha uudhano okugongela oshimaliwa okukwathela aanona mboka yeli moluhepo.

Uudhano mbuka owa li wa longekidhwa Olyomakaya goshiwike sha yi pokapale kEmanguluko mOshakati.

Mathew Johannes gumwe gwomaalongekidhi okwa ti oya li ya dhimbulula nkene aanona oyendji ta ya mono iihuna esiku kehe sho kaa ye na aasilishimpwiyu.

Okwa ti aanona mbaka oyendji oya ninga oyo ooyene yomagumbo onkene olwindji ka ye na mpoka ta ya kwata molwashoka ka ye na mboka ta ye ya kwatha noku ya yambidhidha.

Aambokisi yeli 30 oya li ya nyanyudha engungo lyaatali mboka ya li pegongelo lyoshimaliwa ndika Olyomakaya gazako.

Aadhengingonyo ya za mOshana, Omusati nOhangwena oya li ya yi muudhano wopambili moka aamati aagundjuka ya li ta ya ulike iitalenti yawo noku nyanyudha mboka ya li poshiindingili.

Olugodhi olunene lwesiku olwa li pokati ka Andreas Natangwe na Kasolo Mateus mboka ya li ya thigi aayondodhi yomeho ye li othika sho aamati mbaka yaali ya li shili ta ya umbu oongonyo dha nanwa , ashike Kasolo ina etha aatali ya tale uudhano mbuka ethimbo ele sho ali a dhenge Natangwe yimwe nomiiyagaya medhingoloko etiyali noku zimbula uudhano.

 

LEAVE A REPLY

Please enter your comment!
Please enter your name here