Osipana yaGermany ya talelepo Namibia

0
278

ONGWEDIVA-Okalaba TV Bremen-Walle 1875 ndjoka ya yambukile koBremen shaNdowishi oyili metaalelopo lyopambili moNamibia ongoshitopolwa shehumitho komeho lyomaudhano mekwatathano nongongahangano yokulela uudhano moNamibia oya li ya ningi iikonga momahala gayooloka moshilongo oshiwike shazi ko.

Pethimbo ya li ya taalelepo endiki lyoAfrican Dream Project  mOngediva ndyoka ha li dheula uunona uushona muudhano woVolleyball  Charlotte Bohrisch ngoka oye Kapitia gwosipana ndjika okwa li a holola nkene a kuminwa aanona aashona ye na ohokwe muudhano mbuka, no ta wu ulike ontseyo yagwana.

Okwa ti ota ya ka longa mpoka ta ya  vulu opo ya kwathele meyambulepo lyuudhano mbuka , nokukwathela aanona mbaka opo ya kale ta ya dhana uudhano mbuka ngaashi omuthika gwuuyuni ta guti.

Charlotte ngoka eli omwiilongi guungomba koshiputudhilo sho Hochschule Bremen okwa tsikileko ta ti  ondondo yuudhano woVolleyball moNamibia oyi li pombanda okuyelekanitha niilongo yimwe yaAfrica na oku uvite kutya ngele uudhano mbuka owa pewa eyambidhidho lyagwana nena onakuyiwa yoshilongo muudhano mbuka ota yi ka kala ombwaanawa .

“Sho twali twa talelepo Swakopmund otwa li twa dhana nosipana yaakadhona na oya li ye tu pe shili uupyakadhi mokapale oshinima shoka twa li ina tu tegelela,” Charlotte tati.

Okwa ti aadhani oya pumbwa ashike oku idheulila nkene etanga lina okudhengwa yo oyena oku kala ta ya inyenge ethimbo kehe , tati oya ndhindhilika kutya aadhani yaNamibia oha ya kala ashike yathikama pomahala gawo ya tegelela etanga naashika otashi ya ningile oshidhigu ngele tashiya puudhano wopaigwana oshoka etanga ohali dhanwa ta li endelele nolwindji omatanga ota ge ya adha ombaadhilila ngele ita ya inyenge mokapale.

Okwa ti okuna ehalo opo sho ta ya kashuna ya kale ya topola uunongo mboka yena noku yambulapo ombepo yuudhano woVolleyball moshilongo.

Osipana yaNdowishi otayi tsikile noku talelapo iitopolwa yilwe moshilongo pethimbo lyetalelopo lyayo lyiiwike iyali moNamibia.

 

LEAVE A REPLY

Please enter your comment!
Please enter your name here