TUYENI KOLUPALE LA TUYENI : Ekwatafano lange pangodi na Kandeshi ka Angula

0
399

 

Ndeshihafela ya Hangula ya Hedimbi okakadona kadalelwa kEengwena adalwa 03 Aguste1980, okwa putukila pEengwena noshikola ya ye yotete okwe i shita opo, nokwe ke itwila okati koshekondele ya Eengedjo.

Kandeshi ka Hangula okwali okakadona kawa ndele naye mwene okwa kala eli shivile ou waye. Ndeshihafela womwenyo muwa ye iha ende povakulunhu inee va popifa okwa kala a fimaneka ovakulunhu meumbo novalongi kofikola.

Taa! kaanaave muwa ihamane ngeno ondjaba oina efungu vati wa. Okatekulu ka Hedimbi oshili ka kwali haka koyelele oikweyo, onghee ne manga Kandeshi eli moshekundofikola ya Eengedjo, mupya omunene okwa ka ningapo oufimba womunangeshefa umwe.
Ashike molwaashi oufimba waye oye ashike kwali eushi yeemwene, oshe mu ningila shipu opo eu fifitemo ndele edimo tali dimo. Okatekulu ka Hedimbi nouwa wako, okakaxulila moshipangelo shepangelo mOshakati.

Okudja omo Ndeshihafela ina shuna vali kofikola ndele okwa ka ya kokaumbo kainakulu pEengwena, ta ningipo odula imwe peumbo ye nokufiyapo Owambo ta i ko Mbaye.

Pwilikina nee kekwatafano letu na ye pangodi.
Halou Halou!! eewaa tate ondi kuudite popya.

Olyelye tapopi hano? ahowe tatekulu oove ndawana okupula molwaashi oove wadenga kongodi yange.
Oo oxokulu YA TUYENI andi denge okudja kOmana Akadadi koushilo woKongo, oKandeshi ngoo ndishi tapopi ou wokatekulu kaMukwahepo pEengwena?

Eheeno tatekulu YA TUYENI oNdeshihafela tapopi yaHangula ya Hedimbi, ove olye, eku pa ongodi yange udengelenge tateku?
Ongodi yoye onde i pewa kunyokokulu Mukwahepo kwali ndekemutalelapo ye tati vati nghee ngo wa ninginine komaonda ino aluka vali.

Oshili tatekulu YA TUYENI ouli mondjila ame ihandi mono oimaliwa yokuya naana kOwambo oko.
Aayee Kandeshi nandi ku pule manga mutekulu wange, omahokololo takuti vati muli ngo komaonda oko tamu lile ovashamane, hano edi odoshili ilo otamu totelwa eendaka?

Tatekulu YA TUYENI ouli mondjila ashike she ihatu lile ovashamane atu ke va tala momaumbo omu veli, mutu opena ngo peenhele apa hatu shakane navo opo tu valile, noshikwao natango mutu ovena ngo eshi hava kala tava pula vahala kushe.

Meme kaanave kokatekulu kaHedimbi hamba ihotila eendaka, eshi taku ti ovashamane vamwe ava iha veya kOwambo onye hamu kala mwevapatela meembashu deni, edi odo shili ilo natango eembudi tadi mu totele eendaka opo di mu lundile?

Tatekulu YA TUYENI she eshi tweya koushimba nashe otweya okulonga, oshitivali she ihatu imbi ovashamane vaye komaumbo avo, ava nava tye ashike ovakonenwa kouvaya uli meenyala davo oshinima shimwe noxo ava ihava ulike vafa ovashamane vena omaumbo shili.

Kandeshi  lombwelenge utale, eshi taku hokololwa kutya vamwe vomosheendo sheni ovakainhu otamu i momilele novalumenhu nye tamu vapula oifuta yoimaliwa edi odoshili ilo odanakalindi tamu lundilwa nokupakwa omatimba?

Tatekulu YA TUYENI efimbo limwe oinima imwe oyo shili osheshi omulumenhu ilo omushamane wongadi opo afutifwe osheshi alya oinima yovanhu ye nee ‘Shali’ epako laye ola ningwa nale, okokutya ovashamane ava ihava iwa nande meendjato ndele ovo vene hava futu lwanima ngeenge valya oinyenye yovanhu.

Kandeshi mutekulu, eshi taku hokololwa takuti osheendo sheni  shimwe osho ngo tashi dala ounona ndele tashi kupula koundjuuo, nokonima nye tamu shuna kovashamane, edi odina oukwashili ilo eendjila tadi palwa opo mweendemo nye muninge eembudi?
Tatekulu YA TUYENI vamwe vomushe osho hava ningi shili, osheshi naame ohaidimbuluka efimbo ndali kofikola ndele handi ningi edimo ndele handilikufamo, ashike ngeenge ohandi shi li pula paife oshili ohashi udifange nai molwaashi fiyo opapa inandi mona vali okaana.

Kandeshi lombwelenge oshili mutekulu wange, eshi taku hokololwa takuti eehombo dovanhu eshi tadi teka onye tamuditeya ava mwehena ovashamane veni nyeevene, edi odoshili ilo natango ookalyamupombo ovemuli mokashoko vahala okumulundila molwaashi onye hamuningi oinima itilifa yafa eenghambe?

Tatekulu YA TUYENI oshili ouli mondjila, ashike ne ovashamane ava she ihatu va ufana opo veuye kushe vetuude ounyenye vo vaka teyepo omaumbo avo, oshitivali ovashamane navo eembudi shima ngo twe va idilila meembashu detu omo ovelimo ashike tave li pweya eendaka tava popi naashi inaatu va pula nomaliko amwe ohatwaa pewapo nokuli una ngeenge mbela veudite nawa.

Kandeshi mutekulu komaonda eni oko okwa kola mboli wani, natango otaku hokololwa ovakainhu vamwe hava ka kala konhopa moVenduka ngo omo, netomhelo opo vaninge ounangeshefa womoikumbafa, ove nande uli ne koMbaye edi owedi uda nodina ngo oukwashili ilo pamwe ovatondi nanye tave mupalele omakala mapyu omolwa oikoya yeni ihapu?

Tatekulu YA TUYENI oshoshili osho topopi, molwaashi naame ondaka vilukileko ngo konhopa yaVenduka oko totongo, ndele omolwa onghalo needula ngo dange ndiwete paife daya pombada ondahala okweefapo oinima oyo yatya ngaho paife oshili ondakula.
aaii!! Kandeshi mutekulu wange, paife oimaliwa oyo nee mwakala hamufutifa ovashamane ovo hamui navo momilele omuikwete ngo nee ilo omwatuvikila keembaanga deni, ngaashi ne nounyuni wanyika omikifi ngaha napamwe tamu kakwatwa koshidu, nande okuli?

Tatekulu YA TUYENI she otwa kala tuli moupyakadi, shapo nandi ku lombwele  ngaha, oimaliwa kandiwete naana vahapu vomushe veikwete, osheshi ovashamane vamwe hatukala navo oshili oto hale okutya ovalya olusha loineya, oteku pula muye naye momilele ndele nokonima ngeenge okwa mono eshi kwali ahala ye ote ku lombwele vali tati vo kepata lavo ihavafutu oikulya yomoikumbafa.
Kandeshi katekulu kange, eshi ne ounyuni wapiyaana ngaha, ava mwakala hamui navo momilele omwakala ngo ne hamu va lombwele opo mulongife eekodoma,ilo napamwe ohamuningi ashike shitika shiye moikumbafa?

Tatekulu YA TUYENI, ndishi ohamuti ovakainhu ovena oineya, aayee oineya yovashamane oyapita omatilika, ngaashi ashike ame ou handipopi okutonga oshili, okwali handikalapo nomushamane umwe mOmbaye omu, paife okwawanifa eedula 60 odula yadjako, ndele eshi ngo handiti tatekulu natulongife ne okoodoma, oshili omushamane waKalunga okwafa ashike ha lumatwa keekodoma.

Ooi!! Kandeshi mutekulu wange, paife ngeenge ongaho ne, mboli kombinga youkolele weni ne mOmbaye omo omuli ngaipi oshili, nye onye ovo koipangelo ihamu mono efimbo lokuyako omolwa ounangeshefa weni ihapadulu okufiwa omunhu umwe?
tatekulu YA TUYENI, ngaashi ame ou handipopi, eedula dinya ondali Kandeshi koshili ekadona ndifike pemulutiya, ihandeende povalumenhu inaava tyamo mbofo, ovena ngo okuingida nge hano, ndele paife eshi ndili ngaha ngeenge handi ende povalumenhu otava nyongofola vali vo tava yolo,mbela sha hala okutya ove wete kutyashimbungu okwayola nombwa.

Pexulilo apa, Ndeshihafela ya Hangula ya Hedimbi, etumwalaka lashike una kovakainhu aveshe mo Namibia unene tuu ava vepipi loye, molwaashi ove ounyuni oweulya ngo ne ewe, ilo nditye eendjila ove oudishi ngo ne dokuya nokualuka, nomoiponga yomoikumbafa owaendamo ngo nee?

Tatekulu Ya TUYENI ame kandina oitya nomatumbulo, mboli ounyuni oukwanakuminuka wo ne oule ashike omaadi omaxupi, she otwalyako shetu nale, onghee oshiwana shokomongula inandi hala vali shi shikule meemhadi detu.

Tangi unene Kandeshi mutekulu wange shalongo walipo u lombwelenge eshi tashi linyenge mounyuni, ashike ovashamane ondina okuva hanga olufo tali ya, opo veshi lombwelenge nawa naimboli ovafa tavali oshilongo nokati.

NB: Omadiladilo moshinyolwa eshi oomushangi mwene ndele kae shi a Kundana.

 

JOHN YA TUYENI
MRTUYENI76@GMAILA
CELL 0812988549

 

 

 

 

 

 

 

LEAVE A REPLY

Please enter your comment!
Please enter your name here