Ya geya sho mushiinda a kwata omwanamati koonkondo

0
441

 

ONGWEDIVA- Aakuluntu yokamatyona koomvula16 oyeli  monkalo yomaipulo noye na ongeyo, sho omwanamati anuwa a kwatwa koonkondo komukiintu gwomimvo 54 ngoka taku fekelwa ena ombuto yoHIV noku li kepango.

Aakuluntu mbaka oya lombwele Kundana kutya oya dhimbulula kutya omwana okwa longelwa iilonga yomuyonena taku fekelwa eyi longelwa komukiintu ngoka ta hala oku ya mopenzela, konima sho yamono ta tina, eli muuwehame.

Oshiningwanima shika okwa hokololwa kutya osha ningwa pehulilo lyaMaalitsa nuumvo ashike shika osha lopotwa momasiku gahetatu gwomwedhi nguka sho omumati a dhimbululwa eli monkalo tayi limbilike.

Okamati hoka edhina lyako lishiwike nawa kuKundana ashike itali tumbulwa, ota ku hokolwa anuwa ka lombwelwa ka thindikile omukulupe nguka kegumbo konima sho ya nu omagongo noshitanga maandjamwene gwomukunda Oipanda.

“Sho anuwa ayi kaandjowo, muushinda okwa ihula mbalambala posheelo shondunda ye yokulala, eta lombwele omumati na ye iihule,” he yokamatyona ati ngaaka.

Omulumentu nguka okwa hokolola woo kutya anuwa kamatyona ngoka sho a tindi, omukulukadhi okwe mu hula nokumukwata koonkondo.

Sho a mana anuwa okwa kutha epokolo noku dhenga okamatyona ye teka tidha anuwa kaye kaandjawo.

Okwa ti omufekelwa nguka omushiinda shawo omukulu ngoka yeshi nawa kutya okuli ke pango ashike keshi kutya omolwashike ena oku lala nokamatyona hoka okashona.

Okwa hokololwa woo kutya omufekelwa oye tuu ngoka ngele a mangwa ando ina pewa nande a ifutilemo mondholongo oshoka oshinima shoka aningila omona oshitilithi na itashi thigi omuntu nombili no enyanyu ngele okwa zimo mbala.

Okwa ti wo omufekelwa tuu ngoka okuna aanona aanene yeli yatano aalumentu yane nomukadhona gumwe.

Mushiinda oye tuu nguka ngashingeyi omwanamati gwosheeli okuna oomvula 29 nuuyelele inawu kolekwa otawu ti kutya uunona auhe wa mushiinda nguka owu vule kamatyona ngoka a kwata onkonga.

Omupopiliko gwopolisi yaMusati Warrant Lineekela Shikongo okwa koleke oshiningwanima shika nokwati kutya aapolisi inaya kwata natango omufekelwa oshoka ethimbo Kundana emu dhengela omakonaakono ogali geli metifa, nakonaakoni oyali yeli molukongo .

Okwa ti he yomunona ngoka okwa patula oshipotha shekwatonkonga shilimumwe nedhengo neyahameko lyokolutu oshoka aniwa omufekelwa okwa dhenga kamatyona konima sho ya mana oshoka anuwa oka kala ashike keli megumbo moka ka pugalala.

 

LEAVE A REPLY

Please enter your comment!
Please enter your name here